ముగింపు ..తగ్గింపు! 

11 Sep, 2019 03:12 IST|Sakshi

చివరి దశలోని ప్రాజెక్టులకు భారీగా తగ్గిన బడ్జెట్‌ కేటాయింపులు 

కల్వకుర్తి, భీమా, నెట్టెంపాడులకు భారీగా నిధుల కోత 

పెండింగ్‌ బిల్లులకు కూడా సరిపోని కేటాయింపులు 

ఎస్‌ఎల్‌బీసీ టన్నెల్‌కూ అంతే..  ప్రాణహిత పూర్తిగా పక్కకు.. 

సాక్షి, హైదరాబాద్‌:  ఆర్థిక మాంద్యం ప్రాజెక్టుల పాలిట శాపంగా మారింది. మరీ ముఖ్యంగా ముగింపు దశలోని ప్రాజెక్టులకు రాష్ట్ర బడ్జెట్‌లో నిధులు భారీగా తగ్గాయి. మరో రూ.వెయ్యికోట్లు కేటాయించినా ఉమ్మడి మహబూబ్‌నగర్‌ జిల్లాలోని ప్రాజెక్టులు పూర్తయ్యేవి. కానీ, ప్రభుత్వం కేవలం రూ.87 కోట్లు మాత్రమే కేటాయించింది. పాలమూరు జిల్లాలోని కల్వకుర్తి, భీమా, నెట్టెంపాడు. కోయిల్‌సాగర్‌ల కింద మొత్తంగా 8.78 లక్షల ఎకరాల ఆయకట్టుకు నీరిచ్చేలా చేపట్టారు. ఈ ప్రాజెక్టుల ద్వారా ఇప్పటికే 6.16 లక్షల ఎకరాల ఆయకట్టుకు నీరందించేలా పనులు పూర్తిచేయగా, మిగతా ఆయకట్టుకు వచ్చే ఏడాది ఖరీఫ్‌ నాటికి నీరివ్వాలని నిర్ణయించారు. ఈ ప్రాజెక్టుల పరిధిలో మిగిలిన పనుల పూర్తికి, 12 శాతం మేర మిగిలిన భూసేకరణకు రూ.1,200 కోట్లు కేటాయించాలని నీటి పారుదల శాఖ ప్రభుత్వానికి ప్రతిపాదించింది. కల్వకుర్తి ప్రాజెక్టుకు కనిష్టంగా రూ.400 కోట్లు కేటాయించాలని కోరినా కేవలం రూ.4 కోట్లతో సరిపెట్టారు.

ఈ ప్రాజెక్టు కింద పనులకు సంబంధించి రూ.70 కోట్లు, భూసేకరణకు సంబంధించి రూ.17 కోట్ల మేర పెండింగ్‌ బిల్లులున్నాయి. ఈ ప్రాజెక్టు కింద 4.24 లక్షల ఎకరాల ఆయకట్టు ఉంటే 3 లక్షల ఎక రాల కు నీరిచ్చే అవకాశాలుండగా, మిగతా ఆయకట్టు ను వచ్చే ఏడాదికి సిద్ధం చేయాల్సి ఉంది. ఈ నిధులతో అధి సాధ్యమేనా అన్న ప్రశ్న తలెత్తుతోంది. ఇక భీమా, నెట్టెంపాడుల పరిధిలోనూ పెండింగ్‌ బిల్లులు రూ.33 కోట్ల మేర ఉన్నాయి. భూసేకరణకు మరో రూ.17 కోట్లు అవసరం. వీటి కింద నిర్ణయించిన చెరో 2 లక్షల ఎకరాల ఆయకట్టుకు నీరివ్వాలంటే కనిష్టంగా రూ.400 కోట్లు అవసరంకాగా కేవలం రూ.50 కోట్లు కేటాయించారు. 

ఎస్‌ఎల్‌బీసీ టన్నెల్‌.. ప్రాణహిత మూలకే.. 
ఎలిమినేటి మాధవరెడ్డి శ్రీశైలం లెఫ్ట్‌ బ్యాంక్‌ కెనాల్‌ (ఎస్‌ఎల్‌బీసీ)లోని టన్నెల్‌ పనులు గాడిన పడే అవకాశం కనబడటం లేదు. పనుల పూర్తికి నిధులను సమకూర్చేందుకు ప్రభుత్వం ముందుకు రాకపోవడమే దీనికి కారణం. ఎస్‌ఎల్‌బీసీ ప్రాజెక్టులో భాగంగా రెండు టన్నెళ్లు తవ్వాల్సి ఉంది. మొదటి టన్నెల్‌ను శ్రీశైలం డ్యామ్‌ నుంచి మహబూబ్‌నగర్‌లోని మన్నెవారిపల్లె వరకు తవ్వాలి. దీని మొత్తం పొడవు 43.89 కి.మీ. కాగా, మరో 10 కి.మీ లకు పైగా టన్నెల్‌ను తవ్వాల్సి ఉంది.

రాష్ట్రం ఏర్పడే నాటికి 23.07 కి.మీ. టన్నెల్‌ పూర్తవగా తర్వాత ఐదేళ్లలో 9 కి.మీ. మేర తవ్వారు. కన్వేయర్‌ బెల్ట్, ఇతర యంత్రాలను మార్చాల్సి రావడంతో వాటిని తిరిగి ఏర్పాటు చేసేందుకు ఏజెన్సీకి రూ.80 కోట్లను అడ్వాన్సు కింద చెల్లించాలని ప్రతిపాదన వచ్చినా తుది రూపం తీసుకోలేదు. పనులకు సంబంధించి రూ.80 కోట్ల మేర పెండింగ్‌ బిల్లులున్నాయి. ఇక ఆదిలాబాద్‌ జిల్లాలోని ప్రాణహిత ప్రాజెక్టుకు కేటాయింపులు తగ్గిపోయాయి. ఈ ప్రాజెక్టు పనులకు రూ.22 కోట్లు, భూసేకరణకు రూ.270 కోట్ల బిల్లులు పెండింగ్‌లో ఉన్నాయి. ఈ దృష్ట్యా ప్రాజెక్టుకు రూ.300 కోట్ల మేర కేటాయింపులు కోరినా రూ. 17.31 కోట్లను మాత్రమే కేటాయించారు. ప్రాజెక్టును రీఇంజనీరింగ్‌ చేయాలని ప్రభుత్వం భావిస్తోంది. తమ్మిడిహెట్టి కాకుండా దానికి ఎగువన వార్ధా నదిపై దీన్ని నిర్మించాలని భావిస్తుండ టంతో ప్రభుత్వం కేటాయింపులు తగ్గించింది. 

Read latest Telangana News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

హిమాచల్‌ గవర్నర్‌గా నేడు దత్తాత్రేయ బాధ్యతలు

మహాగణపతిని దర్శించుకున్న గవర్నర్‌

సెల్ఫీ చాలు

మోఠారెత్తిస్తున్న మాంద్యం..

గులాబీ పుష్పక విమానం.. ఓవర్‌ లోడ్‌!

డెంగ్యూకి చికిత్సకన్నా ముందు నివారణ అవసరం

30 రోజుల గ్రామ ప్రణాళిక పథకానికి రూ.కోటి విరాళం

ఈనాటి ముఖ్యాంశాలు

ప్రకాశం బ్యారేజ్‌కి పోటెత్తుతున్న వరద

ప్రోటోకాల్‌ పాటించాలి : ఉత్తమ్‌

మీరు ప్రవేశపెట్టిన బడ్జెట్‌ పద్దులు అవాస్తవాలేనా..!

అంత ఖర్చు చేయడం అవసరమా?

స్పందించిన వారందరికి కృతజ్ఞతలు - మంత్రి సబితా

‘బలవంతంగా నిమజ్జనం చేయడం లేదు’

తెలంగాణ రాజన్నగా తీర్చిదిద్దారు : ఎమ్మెల్యే రాజయ్య

డెంగ్యూ తీవ్రత అంతగా లేదు : ఈటల

370ని రద్దు చేసినట్టు ఇది కూడా..

కొనసాగుతున్న మొహర్రం ఊరేగింపు

ఇంటి నుంచే క్లీనింగ్‌ డ్రైవ్‌ ప్రారంభించిన కేటీఆర్‌

3600 మందికి ఉద్యోగాలు : గంగుల

ముత్తంగిలో కలెక్టర్‌ ఆకస్మిక పర్యటన

శోభాయాత్ర సాగే మార్గాలివే..!

ఓట్ల కోసం ఈ పని చేయట్లేదు : మంత్రి

అన్నదాతకు అగ్రస్థానం

మున్నేరువాగులో మహిళ గల్లంతు

సర్పంచ్‌లకు షాక్‌

డెంగీకి ప్రత్యేక చికిత్స

ప్రవర్తన సరిగా లేనందుకే..

జిల్లా రంగు మారుతోంది!

ఆంధ్రప్రదేశ్
తెలంగాణ
సినిమా

బందోబస్త్‌ రెడీ 

బిగ్‌బాస్.. హత్యకు గురైన హౌస్‌మేట్స్‌!

బిగ్‌బాస్‌.. శ్రీముఖికి యాంకర్‌ రవి షాక్‌!

అలీ రెజా సూపర్‌ స్ట్రాంగ్‌ : రోహిణి

మేము పెళ్లి చేసుకోలేదు: హీరో సోదరి

‘సిరివెన్నెల’ నుంచి జై జై గణేషా సాంగ్‌