న్యుమోనియాతో వస్తే.. ప్రాణాలు పోయాయి

21 Oct, 2019 18:25 IST|Sakshi

షైన్‌ ఆస్పత్రిలో అగ్ని ప్రమాదం..ఒక బాలుడు మృతి

పలువురికి గాయాలు.. వారిలో ఇద్దరి పరిస్థితి విషమం

విచారణ చేపట్టిన జీహెచ్‌ఎంసీ విపత్తు నిర్వహణ అధికారులు

చికిత్స కోసం వస్తే ప్రాణాలు పోయాయంటూ మృతుని తండ్రి ఆవేదన

సాక్షి, హైదరాబాద్‌ : ఎల్బీనగర్‌లోని షైన్‌ చిల్డ్రన్స్‌ ఆస్పత్రిలో సోమవారం తెల్లవారుజామున అగ్నిప్రమాదం సంభవించింది. నాలుగో అంతస్తులోని ఐసీయూలో చోటుచేసుకున్న ఈ ఘటనలో ఓ చిన్నారి మృతి చెందాడు. పలువురు గాయపడ్డారు. మెరుగైన చికిత్స కోసం గాయపడ్డ చిన్నారులను పలు ప్రైవేటు ఆస్పత్రులకు తరలించారు. వారిలో ఇద్దరు చిన్నారుల పరిస్థితి విషమంగా ఉన్నట్టు సమాచారం. ఇక ఈ ప్రమాదంపై విచారణ ప్రారంభించామని జీహెచ్ఎంసీ విపత్తు నిర్వహణ డైరెక్టర్ విశ్వజిత్ తెలిపారు. ఇటువంటి ఘటనలు పునరావృతం కాకుండా చర్యలు తీసుకోవాలని మంత్రి కేటీఆర్‌ ఆదేశించారని వెల్లడించారు. ఆసుపత్రి యాజమాన్యం ఎటువంటి అగ్ని మాపక అనుమతులు తీసుకోలేదని తమ విచారణలో తేలినట్టు విశ్వజిత్‌ చెప్పారు.
(చదవండి : షైన్‌ చిల్డ్రన్స్‌ ఆస్పత్రిపై కేసు నమోదు)

నగరంలోని అన్ని ఆసుపత్రులకు అగ్నిమాపక అనుమతుల విషయంపై నోటీసులు జారీ చేస్తామని అన్నారు. అగ్ని మాపక అనుమతులు లేని ఆసుపత్రులపై దాడులు నిర్వహిస్తామని పేర్కొన్నారు. ప్రభుత్వ ఆసుపత్రుల్లో కూడా అగ్ని మాపక అనుమతుల విషయంపై విచారిస్తామని అన్నారు. ఇప్పటికే అగ్నిమాపక అనుమతులు లేని బార్లు, పబ్బులు, స్కూళ్లకు కూడా నోటీసులు ఇచ్చామని తెలిపారు. కాగా, అగ్ని ప్రమాదం నేపథ్యంలో 304A సెక్షన్‌ కింద కేసు నమోదు చేసిన పోలీసులు, షైన్‌ ఆస్పత్రిని సీజ్‌ చేశారు. ఫైర్‌ సేఫ్టీ లైసెన్స్‌ రెన్యూవల్‌ చేయకుండానే డాక్టర్‌ సునీల్‌ కుమార్‌ ఆస్పత్రిని నడుపుతున్నట్లు గుర్తించారు. వైద్యుడు సునీల్‌ కుమార్‌ను అదుపులోకి తీసుకున్నారు.
(చదవండి : షైన్‌ ఆసుపత్రిలో అగ్నిప్రమాదం)

గతంలో కూడా ఇలాగే జరిగింది..
చికిత్స కోసం వస్తే ఆస్పత్రి యాజమాన్యం నిర్లక్ష్యం కారణంగా తన బిడ్డ ప్రాణాలు కోల్పోయాడని షైన్ హాస్పిటల్‌లో చనిపోయిన బాలుడి తండ్రి నరేష్ కన్నీరుమున్నీరయ్యాడు. ఆయన ‘సాక్షి’తో మాట్లాడుతూ.. ‘న్యుమోనియాతో బాధపడుతున్న నా కుమారున్ని ఈ నెల 17న షైన్ ఆస్పత్రిలో జాయిన్ చేయించాను. యాదాద్రి జిల్లా నుంచి వైద్యం కోసం ఇక్కడికి వచ్చాం. గతంలో కూడా ఇదే హాస్పిటల్‌లో అగ్ని ప్రమాదం జరిగింది. మళ్లీ నిన్న అర్ధరాత్రి దాటిన తర్వాత అగ్ని ప్రమాదం చోటుచేసుకుంది. ఆస్పత్రి యాజమాన్యం నిర్లక్ష్యం వల్లనే మా  బాబు చనిపోయాడు. మళ్లీ ఇలాంటి ఘటనలు జరగకుండా ఆస్పత్రిపై కఠిన చర్యలు తీసుకోవాలి. ఘటన జరిగి ఇన్ని గంటలు కావొస్తున్నా ఆస్పత్రి సిబ్బంది ఎవరూ రాలేదు’అని నరేష్‌ వాపోయారు.

Read latest Telangana News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి

Load Comments
Hide Comments
మరిన్ని వార్తలు

హుజూర్‌నగర్‌లో టీఆర్‌ఎస్‌దే హవా: ఎగ్జిట్‌పోల్స్‌

ఆర్టీసీ సమ్మె : హైకోర్టులో ఆసక్తికర వాదనలు

ఆర్టీసీ సమ్మెపై మంత్రి పువ్వాడ వీడియో కాన్ఫరెన్స్‌

ఆర్టీసీ సమ్మె : గుండెపోటుతో కుప్పకూలిన డ్రైవర్‌

కాలగర్భంలో కలుస్తావు.. ఖబర్దార్‌

సీఎం కేసీఆర్‌పై డీకే అరుణ ఫైర్‌

సమ్మె: హైకోర్టులో మరో మూడు పిటిషన్లు

పుర‘పాలన’లో సంస్కరణలు! 

బైక్‌పై దూసుకొచ్చిన రేవంత్‌రెడ్డి

సికింద్రాబాద్‌ టు పంజాగుట్ట భారీ ట్రాఫిక్‌ జామ్‌!

నాసి..అందుకే మసి! 

ప్రగతి భవన్‌ వద్ద ఉద్రిక్తత

పాలీహౌస్‌లపై నీలినీడలు!

మూడేళ్ల తర్వాత నిండిన శ్రీరాం సాగర్‌ ప్రాజెక్టు

దరి చేరని ధరణి!

తగ్గేది లేదు..

గౌతమి ఎక్స్‌ప్రెస్‌లో ప్రసవం 

డెంగ్యూతో మహిళా న్యాయమూర్తి మృతి

పదవ తరగతిలో వందశాతం ఫలితాలే  లక్ష్యం

‘సరిహద్దు’లో ఎన్నికలు

ఆర్టీసీ సమ్మె; సడలని పిడికిలి 

బేగంపేట్‌ మెట్రో స్టేషన్‌కు తాళం

సెలవులొస్తే జీతం కట్‌! 

రేపటి నుంచే టీవాలెట్‌ సేవలు

మీ త్యాగం.. అజరామరం

ఆర్టీసీ సమ్మె: సోషల్‌ మీడియా పోస్టులతో ఆందోళన వద్దు

ఆర్టీసీ సమ్మె : బడికి బస్సెట్ల!

ఆర్‌ఎఫ్‌సీఎల్‌కు రాజకీయ గ్రహణం 

వారం రోజుల్లో సగానికి తగ్గిన కూరగాయల ధరలు

ఇప్పుడు బడికెట్ల పోవాలె?

ఆంధ్రప్రదేశ్
తెలంగాణ
సినిమా

కుమార్తెను ప్రపంచానికి పరిచయం చేసిన హీరో!

రాహుల్‌ది ఫేక్‌ రిలేషన్‌షిప్‌ : వితికా

బిగ్‌బాస్‌: ఫైనల్‌కు వెళ్లే ఆ ఒక్కరు ఎవరు?

రష్మికపై దిల్‌ రాజుకు కోపమొచ్చిందా!

బిగ్‌బాస్‌: వితికను పట్టుకుని ఏడ్చేసిన వరుణ్‌

వార్‌ వసూళ్లు: మరో భారీ రికార్డు