నిమజ్జన ఖర్చు ఘనంగానే ఉంది..

6 Sep, 2019 10:01 IST|Sakshi

గణేశ్‌ నిమజ్జన ఖర్చు ఘనమే...

జీహెచ్‌ఎంసీ అంచనా రూ.8.24 కోట్లు  

వందల్లో క్రేన్లు... వేలల్లో కార్మికులు  

పని గంటల ఆధారంగా అద్దె, వేతనాల చెల్లింపు  

సాక్షి, సిటీబ్యూరో: గణనాథుడి నిమజ్జన ఖర్చు ఘనంగానే ఉంది. క్రేన్ల అద్దె, కార్మికుల వేతనాలు తదితరాల కోసం జీహెచ్‌ఎంసీ రూ.కోట్లలోనే ఖర్చు చేస్తోంది. అధికారుల లెక్కల ప్రకారం నగరంలోని 32 చెరువుల్లో నిమజ్జనాలు చేస్తుండగా... ఇక చిన్నాచితకా కొలనులకు లెక్కే లేదు. హుస్సేన్‌సాగర్‌ సహా జోన్ల పరిధిలోని 32 చెరువుల్లో వినాయక విగ్రహాల నిమజ్జనానికి అవసరమైన క్రేన్లను జీహెచ్‌ఎంసీ ఈవీడీఎం విభాగం సమకూరుస్తోంది. బుధవారం నుంచి ప్రారంభమైన నిమజ్జనాలు ఈ నెల 15 వరకు కొనసాగుతాయని తెలుస్తోంది. ఈ నేపథ్యంలో ఆయా చెరువుల్లో నిమజ్జనమయ్యే విగ్రహాల సంఖ్యకు అనుగుణంగా క్రేన్లు, సిబ్బందిని వినియోగిస్తున్నారు. నిమజ్జనం జరిగే గంటలను పరిగణనలోకి తీసుకొని అవసరమయ్యే కార్మికులను బ్యాచ్‌ల వారీగా వినియోగించనున్నట్లు... వేతనాలనూ గంటల వారీగా చెల్లించనున్నట్లు ఈవీడీఎం డైరెక్టర్‌ విశ్వజిత్‌ కాంపాటి ‘సాక్షి’కి తెలిపారు. క్రేన్ల దగ్గర అవసరాన్ని బట్టి నలుగురు, ఎనిమిది మంది, 12 మంది కార్మికులతో కూడిన బ్యాచ్‌లను ఏర్పాటు చేశారు. ప్రాథమిక అంచనా మేరకు క్రేన్ల  అద్దె, సిబ్బంది వేతనాలకు దాదాపు రూ.8.24 కోట్లు ఖర్చు కానుండగా... ఆయా ప్రాంతాల్లోని నిమజ్జనాల పరిస్థితులు, పోలీసుల నుంచి అందుతున్న సమాచారం తదితర పరిగణనలోకి తీసుకుంటే వ్యయం రూ.9 కోట్లకు చేరే అవకాశముందని పేర్కొన్నారు. 

కార్మికులు ఇలా...  
8 మంది బ్యాచ్‌లు – 1,300 (10,400 మంది కార్మికులు)
12 మంది బ్యాచ్‌లు – 164 (1,968 మంది కార్మికులు)
నలుగురు ఉండే బ్యాచ్‌లు – 776 (3,104 మంది కార్మికులు)
మొత్తం బ్యాచ్‌లు – 2,240, మొత్తం కార్మికులు – 15,472

ఖర్చు ఇలా...   క్రేన్ల అద్దె  
15 టన్నుల క్రేన్లకు గంటకు రూ.5,241 చొప్పున మొత్తం రూ.3,04,39,728.  
30–70 టన్నుల క్రేన్లకు గంటకు రూ.6,825 చొప్పున మొత్తం రూ.2,03,11,200.
మొబైల్‌ క్రేన్లకు గంటకు రూ.5,241 చొప్పున మొత్తం రూ.2,44,02,096.  

కార్మికుల వేతనాలు   
8 మంది బ్యాచ్‌కు రూ.3,794 చొప్పున రూ.49,32,200
12 మంది బ్యాచ్‌కు రూ.5,664.50 చొప్పున రూ.9,28,978
నలుగురి బ్యాచ్‌కు రూ.1,897 చొప్పున రూ.14,72,072
 మొత్తం ఖర్చు రూ.8,24,86,274

ఏ క్రేన్లు ఎన్ని?  
15 టన్నుల క్రేన్లు – 52   
30–70 టన్నుల క్రేన్లు – 41
మొబైల్‌ క్రేన్లు – 164   
మొత్తం క్రేన్లు – 257
మొత్తం పని గంటలు – 13,440

Read latest Telangana News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు

నేటి ముఖ్యాంశాలు..

ఇదీ కరోనా సేఫ్టీ టన్నెల్‌

సమర శంఖం!

ఆ రెండూ దొరకట్లేదు..

గబ్బిలాలతో వైరస్‌.. నిజమేనా?

సినిమా

కొడుకుతో ఆడుకుంటున్న హీరో నానీ 

జైలు కాదు.... మనందరి మేలు

7 కోట్ల విరాళం

వైరస్‌ భయపడుతుంది!

అందరం ఒక్కటవ్వాల్సిన సమయమిది

అనుకున్న సమయానికే వస్తారు