కొల్చారం(నర్సాపూర్‌): హనుమాన్‌ జయంతిని పురస్కరించుకుని కొల్చారం మండలంలోని ఆయా గ్రామాల్లో యువకులు బైక్‌ ర్యాలీ నిర్వహించారు. శుక్రవారం రంగంపేటకు చెందిన ఆరెస్సెస్, విశ్వ హిందూ పరిషత్‌ ఆధర్వంలో స్థానిక హనుమాన్‌ మందిర్‌ నుంచి చేపట్టిన బైక్‌ ర్యాలీ తుక్కాపూర్‌ , పైతర, కోనాపూర్, వై, మందాపూర్, ఎనగండ్ల, సంగాయిపేట గ్రామాల వరకు కొనసాగింది. పోతంశెట్టిపల్లి, రాంపూర్‌ గ్రామాలలో బైక్‌ ర్యాలీలను నిర్వహించారు. అంతకు ముందు దేవాలయాల్లో ప్రత్యేక పూజలు జరిపారు. కార్యక్రమంలో రంగంపేట గ్రామానికి చెందిన ఆరెస్సెస్ కార్యకర్తలు మహేందర్, మచ్చరాజు, వెంకటేశం, శేఖర్, సంతోష్‌ తదితరులు పాల్గొన్నారు.
