సూసైడ్‌ స్పాట్‌గా మారిన గోదావరి బ్రిడ్జి.!

16 Oct, 2019 08:51 IST|Sakshi

సాక్షి, గోదావరిఖని(రామగుండం) : ‘భార్యాభర్తలు గొడవ పడ్డారు.. క్షణికావేశంలో భార్య ఆటో ఎక్కి గోదావరి బ్రిడ్జివద్దకు వెళ్లింది.. అనుమానం వచ్చిన ఆటో డ్రైవర్‌ 100 నంబర్‌కు ఫోన్‌ చేయడంతో అక్కడే విధినిర్వహణలో ఉన్న ఇద్దరు కానిస్టేబుళ్లు అప్రమత్తమై ఆమెను అదుపులోకి తీసుకుని  ఉన్నతాధికారులకు సమాచారం అందించారు. గోదావరిఖని టూటౌన్‌ సీఐ వెంకటేశ్వర్లు అదే ఆటోలో బాధితురాలిని కుటుంబ సభ్యులకు అప్పగించి కౌన్సెలింగ్‌ ఇచ్చారు. ఇలాంటి సంఘటనలు గోదావరి బ్రిడ్జి సమీపంలో ఇటీవల కాలంలో పెరిగిపోయాయి’. 

ఇన్నాళ్లు గోదారి ఎండిపోయి తాగునీటి కోసం గోస పడుతుండగా.. ఇప్పుడు నిండుకుండలా మారిన గోదావరితో మరో లొల్లి మొదలైంది. కాళేశ్వరం ప్రాజెక్టు, గోదావరిబ్రిడ్జికి ఐదు కిలో మీటర్ల దూరంలో సుందిళ్ల బ్యారేజీ నిర్మించడంతో నీటిమట్టం భారీగా పెరిగింది. రివర్స్‌ పం పింగ్‌తో పాటు ఇటీవల కురిసిన భారీ వర్షాలకు నీటి నిల్వలు పెరిగిపోయాయి. ఈక్రమంలో ఈ ప్రాంతం ప్రమాదకరంగా మారింది. ఇటీవల కాలంలో గోదావరిబ్రిడ్జి వద్ద ఆత్మహత్యయత్నాలకు పాల్పడే వారి సంఖ్య కూడా పెరిగింది. గడిచిన రెండు నెలల్లో 15 మంది గోదావరిబ్రిడ్జి వద్ద ఆత్మహత్యయత్నానికి పాల్పడ్డారు. పోలీసులు అప్రమత్తమై తొమ్మిది మందిని రక్షించగా ఆరుగురు మృత్యువాత పడ్డారు. 

తలనొప్పిగా మారిన ఆత్మహత్యలు..
గోదావరినదిలో ఆత్మహత్య సంఘటనలు పోలీసులకు తలనొప్పిగా మారాయి. క్షణికావేశంలో వస్తున్న వ్యక్తులు గోదావరిబ్రిడ్జిపైకి చేరుకుని నదిలో దూకుతున్నారు. ఈవిషయాన్ని పలువురు గమనించి పోలీసులకు చేరవేడడంతో బాధితులను రక్షించేందుకు పోలీసులకు తలకుమించిన భారంగా మారుతోంది. నిండుగోదావరి సందర్శకులకు సంతోషాన్నిస్తుండగా పోలీసులకు మాత్రం తలనొప్పిగా మారింది. ప్రతీ రెండురోజులకో సంఘటన జరుగుతుండడంతో పోలీసులు సీరియస్‌గా దృష్టిసారించారు. 

అవుట్‌ పోస్టు ఏర్పాటు..
గోదావరి బ్రిడ్జిపై ప్రమాదాలు తగ్గించడంతో పాటు ఆత్మహత్య ప్రయత్నాలను అడ్డుకునేందుకు టూటౌన్‌ పోలీసుల ఆధ్వర్యంలో గత నెల 26 ఔట్‌పోస్టు ఏర్పాటు చేశారు. ముఖ్యంగా ఆత్మహత్యాయత్నానికి పాల్పడేవారిని గుర్తించి, వెంటనే కుటుంబసభ్యులను పిలిపించి కౌన్సెలింగ్‌ ఇచ్చి పంపుతున్నారు. అయినా కొంతమంది క్షణికావేశంలో వచ్చి ఎవరికీ తెలియకుండా నదిలో దూకి చనిపోయిన సంఘటనలు కూడా వెలుగుచూస్తున్నాయి. 

ఫెన్సింగ్‌ ఏర్పాటుకు ప్రయత్నాలు..
గోదావరినదిపై ఉన్న రెండు బ్రిడ్జీలకు ఇరువైపులా ఫెన్సింగ్‌ ఏర్పాటు చేసేందుకు పోలీసులు ప్రయత్నాలు ప్రారంభించారు. ఎన్టీపీసీ యాజమాన్యం సహకారంతో బ్రిడ్జిపై ఉన్న రెయిలింగ్‌కు ఆనుకుని ఆరుఫీట్ల ఎత్తు వరకు ఫెన్సింగ్‌ ఏర్పాటు చేయాలని నిర్ణయించారు.  

Read latest Telangana News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి

Load Comments
Hide Comments
మరిన్ని వార్తలు

ఆకలి తీర్చే.. దాతలు

గురుకులాల్లో ల్యాబ్‌ టెక్నీషియన్‌ కోర్సులు

విషం కలిసిన కూల్‌డ్రింక్‌ తాగిన చిన్నారులు

ఆడుకునే వయస్సులో అనంత లోకాలకు..

ఆర్టీసీ సమ్మె : గుండెపోటుతో డ్రైవర్‌ మృతి

టీఆర్‌ఎస్‌ ‘గెలుపు’ లెక్కలు

21న ప్రగతిభవన్‌ ముట్టడిస్తాం

సీఎం ఆదేశిస్తే మధ్యవర్తిత్వానికి సిద్ధం

తెలంగాణకు79..ఏపీకి 69.34 టీఎంసీలు

సమ్మెకు సపోర్ట్‌

11వ రోజూ ఉధృతంగా సమ్మె

23 తర్వాత సమ్మె.. మరో హెచ్చరిక

ఆర్టీసీ సమ్మెపై కేంద్రానికి నివేదిక!

ఆర్టీసీ సమ్మె: మీరేమైనా బ్రిటిష్‌ పాలనలో ఉన్నారా?

ఈనాటి ముఖ్యాంశాలు

ప్రధాని మోదీతో తెలంగాణ గవర్నర్‌ భేటీ

ఆర్టీసీ సమ్మెకు మద్దతుగా ఓయూ జేఏసీ జలదీక్ష

ఆర్టీసీ సమ్మెకు టీఎన్జీవో మద్దతు

‘ఆమరణ నిరాహార దీక్షకు దిగుతా..!’

‘అరెస్టులకు,కేసులకు మేం భయపడం’

ఆర్టీసీ సమ్మెపై హైకోర్టు కీలక ఆదేశాలు

‘ఆయన.. మంత్రి జగదీశ్వర్‌రెడ్డి బినామీ’

కేసీఆర్‌ సభ ట్రెండ్‌ సెట్టర్‌ సభ కాబోతోంది!

‘21న ప్రగతి భవన్‌ను ముట్టడిస్తాం’

మద్దిలేటిని కోర్టులో హాజరుపర్చాలి

‘ఎన్నో ప్రశ్నలు.. అందుకే ఈ జాబ్‌ చేస్తున్నా’

ఆర్టీసీ సమ్మె; సంజయ్‌, జగ్గారెడ్డి అరెస్ట్‌

ఆర్టీసీ సమ్మె: చర్చలు జరిపేందుకు నేనెవరిని?

చాటింగ్‌ ట్రీట్‌మెంట్‌!

ప్రయాణం చేసొచ్చాయి; జాగ్రత్త : మంత్రి హరీష్‌ రావు

ఆంధ్రప్రదేశ్
తెలంగాణ
సినిమా

నేటి నుంచి అంతర్జాతీయ చిత్రోత్సవాలు

జాన్వీ డౌట్‌

డెబ్భై నిండిన డ్రీమ్‌ గర్ల్‌

ఖైదీ యాక్షన్‌

అతిథి వస్తున్నారు

మళ్లీ జంటగా..