నాకు రూ.100 కోట్ల అప్పులు: జగ్గారెడ్డి 

12 Oct, 2019 02:31 IST|Sakshi

సాక్షి, సంగారెడ్డి: ‘నా వద్ద డబ్బులున్నాయని మీరంతా అనుకుంటున్నారు.. వాస్తవానికి నా దగ్గర డబ్బులు లేవు.. మీ లాంటి కార్యకర్తలు, నాయకులే నాకు అప్పులిస్తున్నారు. దీంతోనే రాజకీయాలు, సేవా కార్యక్రమాలు చేస్తున్నాను. డబ్బులు లేనప్పటికీ మీకు వైద్యానికి, పెళ్లిళ్లకు సాయం చేస్తూనే ఉంటా. నాకు 100 కోట్ల అప్పులుంటాయి’ అని సంగారెడ్డి ఎమ్మెల్యే జగ్గారెడ్డి సంచలన వ్యాఖ్యలు చేశారు. సంగారెడ్డి జిల్లా కొండాపూర్‌ మండలంలోని మల్కాపూర్‌ చౌరస్తాలోని ఓ ఫంక్షన్‌ హాలులో శుక్రవారం నియోజకవర్గ స్థాయి కార్యకర్తల సమావేశం నిర్వహిం చారు. ఈ సందర్భంగా జగ్గారెడ్డి మాట్లాడుతూ.. తనకు కావాల్సినప్పుడు అభిమానులు, పార్టీ కార్యకర్తలే అప్పుగా ఇస్తుంటారన్నారు. తాను ఎవరెవరి వద్ద ఎంత డబ్బు తీసుకున్నాననే దానికి నిదర్శనంగా అక్కడే ఉన్న కొంతమంది నేతలను పిలిచి నీ వద్ద ఎంత తీసుకున్నాను.. అంటూ అడగటం కొసమెరుపు. ఇటీవల జరిగిన దసరా పండుగకు సుమారుగా రూ.కోటి ఖర్చు చేశానని తెలిపారు.

మరిన్ని వార్తలు