టేకులపల్లి: చిన్నారులకు, బాలింతలకు, గర్భిణులకు పౌష్టికాహారం అందించి, పాఠాలు బోధించే అంగన్‌వాడీ కేంద్రం వద్ద మద్యం బాబులు అసాంఘిక కార్యకలాపాలకు పాల్పడుతున్నారు. ఖమ్మం జిల్లా టేకులపల్లి మండలం సింగ్యాతండాలో ఈ ఘటన చోటు చేసుకుంది.
అంగన్‌వాడీ కేంద్రానికి చుట్టూ ప్రహరీ లేకపోవడంతో చీకటి పడితే తాగుబోతులు అక్కడకు చేరి మద్యం సేవించడం, ఇతరత్రా పనులు నిర్వహిస్తున్నారు. వెంటనే వీటికి చెక్‌పెట్టి అంగన్‌వాడీ కేంద్రానికి ప్రహరీని ఏర్పాటు చేయాలని గ్రామస్తులు కోరుతున్నారు.
