ఆ రైల్వే క్వార్టర్స్‌ శిథిలావస్థలో..

23 Nov, 2019 08:30 IST|Sakshi

భద్రత లేకపోవడంతో అసాంఘిక శక్తులకు అడ్డాలుగా మారుతున్న వైనం  

రైల్వే పోలీసులు లేకపోవడంతో రక్షణ కరవు

సాక్షి, హైదరాబాద్‌: రైల్వే అభివృద్ధిని ఎంతో ప్రతిష్టాత్మకంగా భావించిన నిజాం రాజులు ‘నిజాం గ్యారెంటీడ్‌ రైల్వేస్‌’లో పనిచేసే ఉద్యోగుల కోసం ప్రత్యేక నివాస సముదాయాలను ఏర్పాటు చేశారు. రైల్వే పరిపాలన భవనాలు, వర్క్‌షాపులు, స్టేషన్‌లు, నివాసాల కోసం నగరంలోని వివిధ ప్రాంతాల్లో వేల ఎకరాలు కేటాయించారు. లాలాగూడలోని రైల్వే ఉద్యోగుల క్వార్టర్లు కూడా ఇలా నిర్మించినవే. కానీ అవి ఇప్పుడు శిథిలావస్థకు చేరుకున్నాయి. చాలామంది ఉద్యోగులు అక్కడి నుంచి వివిధ ప్రాంతాలకు తరలివెళ్లారు. ఎలాంటి ఆలనాపాలనా లేకపోవడంతో అవి అసాంఘిక కార్యకలాపాలకు అడ్డాలుగా మారాయి. మందుబాబులకు నిలయాలయ్యాయి. పేకాట రాయుళ్ల నివాసాలయ్యాయి. చీకటైతే చాలు ఆ మార్గంలో  వెళ్లడం కష్టమని స్థానికులు ఆందోళన వ్యక్తం చేస్తున్నారు. గతంలో ఈ శిథిల భవనాలు, ఖాళీ స్థలాల పరిరక్షణ కోసం  ఆర్‌పీఎఫ్‌ పోలీసులను ఏర్పాటు చేసేవారు. అయితే ఇప్పుడు ఎలాంటి భద్రతా సిబ్బంది లేకపోవడంతో లాలాగూడ భూముల పరిరక్షణ  దక్షిణమధ్య రైల్వేకు సవాల్‌గా మారింది. ఒకవైపు రైల్వే స్థలాల అభివృద్ధి కోసం ప్రత్యేక సంస్థ ద్వారా ప్రణాళికలు రూపొందిస్తున్న అధికారులు రూ.వందల కోట్ల విలువైన ఈ స్థలాల అభివృద్ధి, పరిరక్షణకు ఎలాంటి చర్యలు చేపట్టకపోవడం గమనార్హం. 

పెండింగ్‌లో ప్రతిపాదనలు...
సికింద్రాబాద్, నాంపల్లి, కాచిగూడ ప్రధాన స్టేషన్లలో రద్దీని నియంత్రించేందుకు మరిన్ని స్టేషన్లను విస్తరించాలని, సదుపాయాలను మెరుగుపర్చాలని గతంలో అనేక ప్రతిపాదనలు రూపొందించారు. నగరంలోనే అందుబాటులో ఉన్న స్థలాలపై అప్పట్లో అధికారులు దృష్టిసారించారు. నార్త్‌ లాలాగూడ స్టేషన్‌కు ఆనుకొని ఉండే విధంగా ఇక్కడ రైల్వే సదుపాయాలను అభివృద్ధి చేయొచ్చని... దీంతో పడమటి వైపు లింగంపల్లి స్టేషన్‌ తరహాలో తూర్పు వైపు లాలాగూడ వినియోగంలోకి వస్తుందని భావించారు. కానీ అది ప్రతిపాదనలకే పరిమితమైంది. ప్రస్తుతమున్న లాలాగూడ కొత్త బ్రిడ్జి నుంచి లాలాపేట్, మిర్జాలగూడ వరకు దక్షిణమధ్య రైల్వేకు సుమారు 50ఎకరాలకు పైగా భూమి ఉంది. ఇక్కడ నిజాం నవాబుల కాలంలో రైల్వే ఉద్యోగుల కోసం కట్టించిన క్వార్టర్లు శిథిలమయ్యాయి. ఒకప్పుడు ఇక్కడ నివాసమున్న కుటుంబాలను గతంలోనే  మౌలాలీలోని క్వార్టర్లకు తరలించారు. కొన్ని కుటుంబాలు ఇంకా ఇక్కడే ఉన్నప్పటికీ కనీస సౌకర్యాలు లేక ఇబ్బందులు ఎదుర్కొంటున్నారు. వీరిని కూడా ఇతర క్వార్టర్లలోకి తరలించి స్థలాలను వినియోగంలోకి తేవాలనే ఆలోచన ఎప్పటి నుంచో ఉంది. కానీ దానికి తగిన ఆచరణ, చిత్తశుద్ధి లేకపోవడం, పైగా ఏ విధంగా ఆ భూమిని వినియోగంలోకి తేవాలనే అంశంలోనూ స్పష్టత  లేకపోవడంతో ఆ ప్రతిపాదన పెండింగ్‌ జాబితాలో చేరింది.

కమర్షియల్‌గానూ అవకాశం.. 
ఒకవేళ తూర్పు వైపున చర్లపల్లి స్టేషన్‌ విస్తరణకు భూమి లభిస్తే లాలాగూడ రైల్వే క్వార్టర్స్‌ స్థలాల్లో ప్రైవేట్‌ సంస్థల భాగస్వామ్యంతో భారీ షాపింగ్‌ కాంప్లెక్స్‌లు, ఎంటర్‌టైన్‌మెంట్‌ సెంటర్లను ఏర్పాటు చేయవచ్చు. లేదా మౌలాలీలోని రైల్వే స్థలంలో ప్రతిపాదించినట్లుగా బిల్డర్లకు లీజుకు ఇవ్వడం ద్వారా బహుళ అంతస్తుళ నివాస సముదాయాలను ఏర్పాటు చేయొచ్చు. ప్రస్తుతం మెట్టుగూడలోని రైల్‌ కళారంగ్‌ ప్రాంతంలోని 2.36 ఎకరాల మిలీనియం పార్కు స్థలాన్ని 99 ఏళ్లు లీజుకు ఇచ్చేందుకు టెండర్లను ఆహ్వానించారు. రైల్వే ల్యాండ్‌ డెవలప్‌మెంట్‌ అథారిటీ ఇందుకోసం ప్రణాళికలు రూపొందించింది. ఇదే తరహాలో లాలాగూడ స్థలాల వినియోగంపై దృష్టిసారించొచ్చు. 

Read latest Telangana News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు

డిసెంబర్‌ 5లోగా జిల్లాలకు క్రిస్మస్‌ గిఫ్ట్‌లు

యువతపై కమిషనర్‌ ఉక్కుపాదం!

మేనేజర్‌ లంచావతారం

నగరంలో మాస్క్‌ మస్ట్‌

నేటి ముఖ్యాంశాలు..

అక్రమార్కులపై పీడీ పంజా!

సకుటుంబ కరెన్సీ ముద్రణ!

పీఎఫ్‌ బకాయిలు చెల్లించేలా జోక్యం చేసుకోండి 

నేడు డిపోల వద్ద ర్యాలీలు: జేఏసీ

అందరికీ అందుబాటులో వైద్యం

పీఆర్సీ నివేదిక సిద్ధం 

సమ్మె విరమణ సమయంలో హల్‌చల్‌ చేస్తారా? 

సుపరిపాలనలో రాష్ట్రానికి ఇండియా టుడే అవార్డు 

 సాయుధపోరాట యోధుడు యాదగిరిరెడ్డి ఇకలేరు

గవర్నర్లకు ఉపరాష్ట్రపతి ప్రత్యేక విందు 

ఓయూ మాజీ వీసీ రామకిష్టయ్య కన్నుమూత 

పంటకు ముందే ‘మద్దతు’!

 డ్రైవర్‌ మృతితో అట్టుడికిన పరిగి 

చెన్నమనేనికి హైకోర్టులో ఊరట

నిజాం నిధులు వచ్చేస్తున్నాయ్‌..! 

డివైడర్‌ను ఢీకొన్న డీసీఎం వ్యాన్‌: ముగ్గురి మృతి 

జొన్న కిచిడీ, రాగుల పట్టీ

సకుటుంబ కరెన్సీ ముద్రణ!

రూట్ల ప్రైవేటీకరణ నోటిఫికేషన్‌కు కసరత్తు 

అక్రమార్కులపై పీడీ పంజా!

ఆర్టీసీపై నేడు సీఎం సమీక్ష 

రూట్ల ప్రైవేటీకరణకు హైకోర్టు రైట్‌ రైట్‌..

ఆ రూమర్స్‌ నమ్మొద్దు: సీపీ అంజనీ కుమార్‌

ఈనాటి ముఖ్యాంశాలు

ఆంధ్రప్రదేశ్
తెలంగాణ
సినిమా

కమల్‌కు శస్త్ర చికిత్స విజయవంతం

అందర్నీ ఏకం చేసే మాధ్యమం సినిమా

రకుల్‌ ఎటాక్‌

మోసగాళ్లు

ఓ మై గాడ్‌.. డాడీ!

మహేశ్‌బాబు రఫ్‌ ఆడేశారు