హైదరాబాద్ : నాంపల్లి ట్రాఫిక్ పోలీస్స్టేషన్ ఎదుట ఓ వ్యక్తి శుక్రవారం ఆత్మహత్యాయత్నం చేశాడు. పెట్రోలు తాగి, బ్లేడుతో కోసుకుని చుట్టుపక్కలవారిని భయభ్రాంతులకు గురిచేశాడు. ఆ వ్యక్తికి మతిస్థిమితం సరిగా లేనట్లు తెలిసింది. చికిత్స నిమిత్తం పోలీసులు108 వాహనంలో సదరు వ్యక్తిని ఉస్మానియా ఆసుపత్రికి తరలించారు. కాగా ఆ వ్యక్తి తన పేరుగానీ ఊరుగానీ చెప్పకపోవడంతో వివరాలు తెలియరాలేదు.
