చాటింగ్‌ ట్రీట్‌మెంట్‌!

15 Oct, 2019 13:17 IST|Sakshi

నగరంలో నయా ట్రెండ్‌

‘హలో డాక్టర్‌.. నేను గత రెండు రోజులుగా జలుబు, తలనొప్పితో బాధపడుతున్నాను. సరైన మందులు సూచించగలరు.. అంటూ ఓ పేషెంట్‌ వాట్సాప్‌ సందేశం.ఓకే... మీరు రెండురోజుల పాటు ఫలానా యాంటీబయాటిక్స్‌ వాడండి. అప్పటికీ తగ్గకుంటే క్లినిక్‌కు రండి.. అంటూ డాక్టర్‌ రిప్లై.

సాక్షి, హైదరాబాద్‌  :ఇదే చాటింగ్‌ ట్రీట్‌మెంట్‌ అంటే.. గ్రేటర్‌లో ఇటీవల ఇది క్రమంగా పెరుగుతోంది. ప్రధానంగా ఐటీ కారిడార్‌లో పలు ఐటీ, బీపీఓ, కెపీఓ కంపెనీల్లో ఈ ట్రెండ్‌ క్రమంగా విస్తరిస్తోంది. తలనొప్పి, కడుపునొప్పి, మైగ్రేన్, వంటి నొప్పులు, వైరల్‌ ఫీవర్, జలుబు.. తదితర స్వల్పకాలిక అనారోగ్యాలకు మాత్రమే ఇలాంటి ట్రీట్‌మెంట్‌ చేస్తున్నారు. ఇలాచేస్తే ఉద్యోగుల సమయం చాలా ఆదా అవుతోందని వారిలో పని సామర్థ్యం పెరుగుతుందని ఆయా కంపెనీలు భావిస్తుండటం విశేషం. వృత్తి, ఉద్యోగాల్లో క్షణం తీరిక లేకుండా గడిపే తమకు ఇలాంటి సేవలు అవసరమేనని ఉద్యోగు లు అంటున్నారు. ఇలాంటి వైద్యం నాణ్యతపై నిపుణులు అనుమానాలు వ్యక్తం చేస్తున్నారు. యాంటీబయాటిక్స్, ఇతర మందుల డోసు ఎక్కువైతే కొన్నిసార్లు ఆరోగ్యానికి బదులు మరింత అనారోగ్యానికి గురికావాల్సి వస్తుందని ఆందోళన చెందుతున్నారు. 

చాటింగ్‌ ట్రీట్‌మెంట్‌ ఇలా...
తమ ఉద్యోగులకు వైద్య సేవలందించేందుకు పలు కంపెనీలు పలువురు ఫిజీషియన్లు, ఇతర స్పెషలిస్ట్‌ వైద్యులతో ప్రత్యేక వాట్సాప్‌ గ్రూపును ఏర్పాటు చేసుకుంటున్నారు. ఆయా వైద్యుల ఫోన్‌ నంబర్లను తమ ఉద్యోగులకు అందజేసి వారి శారీరక, అనారోగ్య సమస్యలను నేరుగా ఆయా వైద్యులతో చాటింగ్‌ ద్వారా తెలియజేసే అవకాశం కల్పిస్తున్నారు. ట్రీట్‌మెంట్‌ ఇచ్చే వైద్యులకు నెలవారీగా ఆయా కంపెనీలు పారితోషికం అందిస్తున్నాయి. పనివేళల్లో అనారోగ్యానికి గురయ్యే ఉద్యోగి ఆస్పత్రికి వెళ్లి గంటల తరబడి నిరీక్షించేంత సమయం చిక్కనందున ఇలాంటి ఏర్పాట్లు చేస్తున్నట్లు కంపెనీల ప్రతినిధులు చెబుతున్నారు. 

పని సామర్థ్యం మెరుగు...
దీర్ఘకాలిక అనారోగ్యాలు, జీవనశైలి వ్యాధులున్నవారు మాత్రం నేరుగా స్పెషాలిటీ వైద్య సేవల కోసం ఆయా ఆస్పత్రులకు వెళుతున్నట్లు చెబుతున్నారు. పని ఒత్తిడి ఎక్కువైతే మానసిక వైద్యుల ను చాటింగ్‌ ద్వారా సంప్రదించి అవసరమైన సలహాలు, సూచనలు తమ ఉద్యోగులు పొందుతున్నట్లు వెల్స్‌ఫార్గో ఐటీ సంస్థ హెచ్‌ఆర్‌ విభాగం ప్రతినిధి సత్యలింగం ‘సాక్షి’కి తెలిపారు. ఉద్యోగుల శారీరక, మానసిక ఆరోగ్యం బాగా ఉంటేనే వారి పనిసామ ర్థ్యం మెరుగుపడుతుందని చెబుతున్నారు. మరికొన్ని కంపెనీలు విదేశాల్లో ఉన్న వైద్య నిపుణుల సలహాలు, సూచనలను తమ ఉద్యోగులు పొందేందుకు టెలీ మెడిసిన్‌ సేవలను సైతం వినియోగిస్తుండటం గ్రేటర్‌లో నయా ట్రెండ్‌గా మారింది. చాటింగ్‌ ట్రీట్‌మెంట్‌ ఉద్యోగులకు వెసులుబాటును, వైద్యులకు కాసులను, కంపెనీలను లాభాల బాట పట్టిస్తుండటం విశేషం. 

Read latest Telangana News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి

Load Comments
Hide Comments
మరిన్ని వార్తలు

కేకేతో భేటీ అయిన మాజీ ఎంపీ కొండా విశ్వేశ్వర్‌ రెడ్డి

నొప్పి మటాష్‌

ఆర్టీసీ సమ్మె: కేసీఆర్‌ అగ్గితో గోక్కుంటున్నాడు

‘సర్వీస్‌’ స్టాప్‌!

ఆర్టీసీ సమ్మె : క్యాబ్‌ దోపిడీ తారాస్థాయికి

జై ‘హుజూర్‌’  ఎవరికో..?

దిగివచ్చిన మద్యం సిండికేట్‌.. 

మద్యం టెండర్ల కోసం బంగారం తాకట్టు

ముందుకు సాగని ‘ముచ్చోనిపల్లె’ పనులు

‘టిక్‌ టాక్‌’ ద్వారా ప్రజల్లోకి: తెలంగాణ ప్రభుత్వం

అధైర్యపడొద్దు.. మేం అండగా ఉన్నాం

ఆర్‌ఏఎస్‌ పద్ధతి బాగుంది

చదువుల చాందినీ!

ఆర్మీ ర్యాలీలో ‘సింగరేణి’ ప్రతిభ 

ఆర్టీసీ సమ్మె: ఏపీఎస్‌ఆర్టీసీ సంపూర్ణ మద్దతు

‘రూపాయి’పై రాబందుల కన్ను

ఆర్టీసీ సమ్మె : మెట్రో సరికొత్త రికార్డు

వృద్ధాప్యంలో లివ్‌ఇన్‌రిలేషన్స్‌..

‘మా బిడ్డను ఆదుకోండి సారూ..’

ధాన్యం కొనుగోళ్లకు సిద్ధం

ఆర్టీసీ ఆస్తులు కాజేయడానికి కుట్ర

ఖానాపూర్‌లో నేటికీ చెదరని జ్ఞాపకాలు

'సమ్మె ప్రభావం ప్రజలపై పడనీయొద్దు'

అల్లుడిపై కత్తితో దాడి చేసిన మామ

చెన్నై–సికింద్రాబాద్‌ మధ్య ప్రత్యేక రైళ్లు

చెర్లపల్లిలో బెబ్బులి సంచారం

పత్తిపై కామన్‌ ఫండ్‌..!

మున్సి‘పోల్స్‌’కు ఎస్‌ఈసీ సమాయత్తం

తరచూ సెల్‌ఫోన్‌లో మాట్లాడుతోందని..

టీఆర్‌ఎస్‌కు మద్దతు వెనక్కి..

ఆంధ్రప్రదేశ్
తెలంగాణ
సినిమా

బిగ్‌బీ రికార్డును బ్రేక్‌ చేసిన షారుఖ్‌

తమన్నా మారిపోయిందా..?

రుషికేశ్‌లో రజనీకాంత్‌

అమెరికాలో పండగ

అద్దంలో చూసుకొని భయపడ్డాను

ఐదుపైసల సోడా గుర్తొచ్చింది