సాక్షి, రామాయంపేట(మెదక్‌) : మున్సిపాలిటీ ఎన్నికల్లో పోటీ చేయాలనుకుంటున్న ఆశావహులు చట్టాన్ని తెలుసుకోవాల్సిన అవసరం ఉంది. వివరాలు పూర్తిగా తెలుసుకోకుండా నామినేషన్‌వేస్తే తిరస్కరణకు గురయ్యే అవకాశం ఉంది. ఎన్నికల్లో పోటీ చేయాలనుకుంటున్న అభ్యర్థులకు సంబంధించి అర్హతలు, అనర్హతల వివరాలు. .
అర్హతలు..
► ఎన్నికల్లో పోటీ చేయదల్చుకున్నవారు మున్సిపాలిటీ పరిధిలోని ఏదో ఒక వార్డులో ఓటర్‌గా నమోదై ఉండాలి.
► నామినేషన్‌ వేసేనాటికి 21 ఏళ్లకంటే తక్కువ ఉండరాదు.
► మహిళలకు 50 శాతం సీట్లు కేటాయింపు జరిగింది. వారికి నిర్దేశించిన స్థానాల్లో పోటీకి మహిళలకు మాత్రమే అవకాశం.
► నూతన పురపాలక చట్టంమేరకు ఇద్దరికంటే ఎక్కువ పిల్లలున్నవారు కూడా పోటీచేయోచ్చు.
► సదరు వార్డు ఏవర్గానికి రిజర్వ్‌ అయిందో తెలుసుకొని ఆ వర్గం వారే పోటీ చేయాల్సి ఉంటుంది.
అనర్హతలు..
► మున్సిపాలిటీలో పాతబకాయలు ఉండి, గడువు ముగిసినా బకాయలు చెల్లించకపోతే వారు పోటీకి అనర్హులు.
► ఏదైనా కేసులో జైలుశిక్షకు గురైనవారు పోటీకి అనర్హులు.
► గతంలో అనర్హతవేటు పడ్డవారు పోటీ చేయరాదు.
► గతంలో పోటీచేసి ఎన్నికల ఖర్చు చూపకుండా అనర్హతకు గురైనవారు అనర్హులు.
► మతిస్థిమితం సరిగా లేనివారు పోటీ చేయరాదు.
