శభాష్‌.. హిమేష్‌

23 Aug, 2019 11:30 IST|Sakshi
ఆవిష్కరణలను ప్రదర్శిస్తున్న హిమేష్‌

పరిశోధనల్లో దూసుకెళ్తున్న విద్యార్ధి

ఇప్పటికే 8 నూతన ఆవిష్కరణలు  

బంజారాహిల్స్‌: జూబ్లీహిల్స్‌ పబ్లిక్‌ స్కూల్‌లో 8వ తరగతి చదువుతున్న చదలవాడ హిమేష్‌ చిన్నతనం నుంచే సాంకేతికత వైపు దృష్టి సారించి తనలోని పరిశోధనాతృష్టకు పదునుపెట్టి నూతన ఆవిష్కరణలే లక్ష్యంగా దూసుకుపోతున్నాడు. భావి ఆవిష్కర్తగా ప్రగతి పథంలో సరికొత్త రికార్డు సృష్టిస్తున్నాడు. ఈ క్రమంలోనే వృద్ధుల సమస్యలు పరిష్కరించడానికి జేహెచ్‌పీఎస్‌లో అటల్‌ టింకరింగ్‌ ల్యాబ్‌లో తన పరిశోధనలను పదునుపెట్టి వృద్ధులకు, అంధులకు ఉపయోగపడే ‘విస్ట్‌ బ్యాండ్‌’ అనే పరికరాన్ని కనిపెట్టాడు. ఈ పరికరాన్ని కనుగొనడానికి తన అమ్మమ్మ పడే కష్టాలను చూసి స్ఫూర్తిపొందాడు. వాటిని దూరం చేయడానికి నిశ్చయించుకొని అమ్మమ్మ పడే కష్టాన్ని గమనించి ఈ నూతన పరికరాన్ని కనుగొన్నాడు.

విస్ట్‌ బ్యాండ్‌ను మొబైల్‌కు అనుసంధానించడం వల్ల మొబైల్‌ మోగి మిగిలిన కుటుంబ సభ్యులు జాగ్రత్త వహిస్తారు. అంతేకాకుండా భవిష్యత్‌లో ఈ పరికరాన్ని వృద్ధుల నాడీ వ్యవస్థను, శరీర ఉష్ణోగ్రతను, డాక్టర్ల మొబైల్‌కు అనుసంధానం చేసే ఆలోచనలో ఉన్నాడు. హిమేష్‌ఆవిష్కరణలను టీఎస్‌ఐ సోషల్‌ మీడియా తమ ఇంటింట ఇన్నోవేటర్‌ పేజీలో ప్రచురించారు. ఈ పరికరాన్ని కనుగొన్న హిమేష్‌ను నగర  పోలీసు అధికారులు  ‡ ప్రత్యేకంగా అభినందించారు. స్వాతంత్య్ర దినోత్సవం రోజున హైదరాబాద్‌ పోలీస్‌ కమిషనరేట్‌ ఆధ్వర్యంలో నిర్వహించిన నూతన ఆవిష్కరణలలో హిమేష్‌ కనుగొన్న 8 నూతన ఆవిష్కరణలు ప్రదర్శించగా అందులో ప్రతి ఒక్కటీ మన్ననలు అందుకుంది. ప్రజల మానసిక ఒత్తిడి తగ్గించే పరికరాల గురించి అందరూ ఎదురుచూస్తున్నారని,   డిప్యూటీ స్పీకర్‌ జి.పద్మారావుగౌడ్‌ హిమేష్‌ను అభినందించారు. ఈ ఆవిష్కరణలకు గానూ తెలంగాణ ప్రభుత్వం నుంచి హిమేష్‌ భావి ఆవిష్కర్తగా గుర్తింపు అందుకోవడమేకాకుండా పద్మారావు చేతుల మీదుగా ప్రశంసా పత్రాన్ని అందుకున్నాడు.  

Read latest Telangana News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా