ఆగిపోయిన ‘కేసీఆర్‌ కిట్‌’ చెల్లింపులు

20 Aug, 2019 08:14 IST|Sakshi

ఆస్పత్రులు, బ్యాంకుల చుట్టూ లబ్ధిదారుల ప్రదక్షిణ

కేవలం కిట్‌తోనే సరిపెడుతున్న అధికారులు

నిధుల కొరతతో ప్రోత్సాహకానికి బ్రేకులు  

నిధుల కొరతతో ప్రోత్సాహకానికి బ్రేకులు కేసీఆర్‌ కిట్‌ పథకం లబ్ధిదారులకు ప్రోత్సాహకం నిలిచిపోయింది. ప్రభుత్వ ఆస్పత్రుల్లో కాన్పుల సంఖ్య పెరుగుతున్నా గర్భిణులు, బాలింతలకు నగదు అందడం లేదు. లబ్ధిదారులు  ప్రోత్సాహం కోసం ఎదురుచూస్తున్నారు. ఎప్పుడు తమ బ్యాంకు ఖాతాలో డబ్బులు జమ అవుతాయో తెలుసుకునేందుకు బాలింతలు ఆస్పత్రుల చుట్టూ తిరుగుతున్నారు.

సాక్షి, షాద్‌నగర్‌ : రాష్ట్ర ప్రభుత్వం సర్కారు ఆస్పత్రుల్లో ప్రసవాల సంఖ్య పెంచేందుకు 2017 కేసీఆర్‌ కిట్‌ పథకానికి శ్రీకారం చుట్టింది. మగ పిల్లవాడు జన్మిస్తే రూ.12వేలు, ఆడపిల్ల పుడితే రూ.13వేలు నాలుగు దశల్లో నగదుకు చెల్లిస్తుంది. గర్భిణులు, బాలింతలకు పోషకాహారం కోసం, తల్లి, బిడ్డ ఆరోగ్యానికి, శిశువుకు వ్యాధి నిరోధక టీకాలు  ఇప్పించడం కోసం నాలుగు విడతల్లో ప్రభుత్వం ఈ పథకం కింద నగదును అందజేస్తుంది. ఆశా కార్యకర్తలు గర్భిణులను గుర్తించి వారి వివరాలను ఏఎన్‌ఎంలకు తెలియజేస్తారు. ఏఎన్‌ఎం గర్భిణి వద్దకు వెళ్లి  ఆధార్, బ్యాంక్‌ ఖాతా వివరాలను సేకరించి సంబంధిత ప్రాథమిక ఆరోగ్య కేంద్రాల్లో వైద్యాధికారులకు అందజేస్తారు. గర్భిణికి సంబంధించిన వివరాలు ఆన్‌లైన్‌లో నమోదు చేసి ఆ వివరాలను  జిల్లా కేంద్రంలో ఉండే అధికారులకు పంపిస్తారు.

నాలుగు దశల్లో నగదు చెల్లింపులు  
ప్రభుత్వ ఆస్పత్రుల్లో ప్రసవాలు చేయించుకున్న లబ్ధిదారులకు నాలుగు విడతలుగా వారి బ్యాంకు ఖాతాలో డబ్బులు జమ అవుతాయి. గర్భిణికి ఐదో నెలలో తొలిసారిగా రూ.3వేలు, ప్రసవం అయ్యాక కుమార్తె పుడితే రూ.5వేలు, కుమారుడు పుడితే రూ.4వేలు ఇస్తారు. మూడున్నర నెలల వయసులో శిశువుకు ఇంజక్షన్‌ ఇచ్చే సమయంలో రూ.2వేలు, 9నెలలకు ఇంజక్షన్‌ ఇచ్చే సమయంలో మిగిలిన రూ.3వేలు అందజేస్తారు. ఇప్పటి వరకు చెల్లింపులు ఇవీ..కేసీఆర్‌ కిట్‌ పథకం జూన్‌ 06, 2017 సంవత్స రంలో ప్రారంభమైంది. అప్పటి నుంచి 2019 జూలై వరకు జిల్లాలో గర్భిణులుగా 60,238 మంది నమోదయ్యారు.

ఇందులో కేసీఆర్‌ కిట్‌ పథకానికి 46,546 మంది అర్హత సాధించారు. వీరిలో 34,601 మందికి రూ.3వేల చొప్పున అందజేశారు. అయితే, ప్రభుత్వ ఆస్పత్రుల్లో 17,153 మంది మాత్రమే ప్రసవం చేయించుకున్నారు. ఇద్దరు పిల్లలు పుట్టిన వారు మాత్రమే ఈ పథకానికి అర్హులు కావడంతో 13,290 మంది అర్హత సాధించారు. ఇందులో కేవలం 10,386 మందికి రూ.5వేల చొప్పున ప్రభుత్వం నగదును బ్యాంకుల్లో జమ చేసింది. ఇంకా 11,945 మంది గర్భిణులకు  మూడు వేల చొప్పున,  2,904 మంది బాలింతలకు  రూ.5వేల చొప్పున ప్రోత్సాహక నగదు ప్రభుత్వం నుంచి అందాల్సి ఉంది.

డబ్బులు జమ కాలేదు
ప్రభుత్వ ఆస్పత్రిలో ప్రసూతి చేయించుకుంటే నగదు వస్తుందని అనుకున్నాం. గర్భవతిగా ఉన్నప్పుడే ఆరోగ్య సిబ్బంది నా బ్యాంకు ఖాతా వివరాలు తీసుకున్నారు. గత ఏప్రిల్‌లో కాన్పు అయింది. ఇప్పటివరకు కూడా డబ్బులు బ్యాంకులో జమ కాలేదు. 
– తోటపల్లి పద్మ, వేములనర్వ, కేశంపేట  

Read latest Telangana News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

టెన్త్‌ చదవకున్నా గెజిటెడ్‌ పోస్టు..!

రైతుల ఇబ్బందులు తొలగిస్తాం

‘గణేష్‌’ చందా అడిగారో..

జిగేల్‌ లైటింగ్‌

సర్జరీ.. కిరికిరి!

నిలబడి నిలబడి ప్రాణం పోతోంది

గవర్నర్‌కు స్వల్ప అస్వస్థత     

వరద తగ్గె.. గేట్లు మూసె

బీజేపీలోకి త్వరలో టీఆర్‌ఎస్‌ ఎంపీ

అంధ విద్యార్థికి అండగా హరీశ్‌

రండి..పేకాట ఆడుకోండి!

హాస్టల్‌లో పేలిన సిలిండర్‌ 

22న దివ్యాంగుల కోటా కౌన్సెలింగ్‌ 

మధ్యవర్తిత్వంతో సత్వర న్యాయ పరిష్కారం  

విద్యుత్‌ వివాదాలు కొలిక్కి..

ఉలికిపాటెందుకు? 

మూడో విడత కౌన్సెలింగ్‌కు సై 

రిజర్వేషన్లకు లోబడే మెడికల్‌ అడ్మిషన్లు

ఇళ్లున్నాయ్‌.. కొనేవాళ్లే లేరు!

సర్కారు దవాఖానాలకు రోగుల క్యూ

నడ్డా.. అబద్ధాల అడ్డా 

‘వచ్చే నెల 4లోగా టీచర్ల నియామకాలు పూర్తి’

కవితను అడిగితే తెలుస్తుంది బీజేపీ ఎక్కడుందో!

ప్రైవేట్‌ ట్రావెల్స్‌పై రవాణాశాఖ కొరడా

ఈనాటి ముఖ్యాంశాలు

జేపీ నడ్డా పచ్చి అబద్ధాలకు అడ్డా : కేటీఆర్‌

మెడికల్‌ కౌన్సెలింగ్‌కు హైకోర్టు గ్రీన్‌ సిగ్నల్‌

‘పాలన మరచి గుళ్ల చుట్టూ ప్రదక్షిణలా?’

చేపల పెంపకానికి చెరువులు సిద్ధం

ఆంధ్రప్రదేశ్
తెలంగాణ
సినిమా

కొత్త జోడీ

ప్రేమలో పడితే..!

మా సభ్యులకు అవకాశాలివ్వాలి

తొమ్మిది గంటల్లో...

సంక్రాంతి బరిలో మంచోడు

కాంబినేషన్‌ రిపీట్‌