ఈ డాల్ఫిన్ ఓ రహస్య గూఢచారి. జేమ్స్‌బాండ్ టైపన్నమాట. ఇది మందుపాతరలను కనిపెడుతుంది.. బాంబులు పెట్టి.. శత్రు సైనికులను హతమారుస్తుంది.. తనకు ఎదురొస్తే.. తలకు తగిలించి ఉన్న కత్తులు లేదా తుపాకులతో వారిపై విరుచుకుపడుతుంది. అలా నోరెళ్లబెట్టకండి.. ఇవన్నీ చేసేది ఈ డాల్ఫిన్సే. 70లలోనేడాల్ఫిన్స్, సీల్స్‌లతో కూడిన రహస్య గూఢచారి దళం సోవియట్ యూనియన్‌కు ఉండేది. యూఎస్‌ఎస్‌ఆర్ పతనం తర్వాత అది ఉక్రెయిన్ సొంతమైంది. తాజాగా క్రిమియా రష్యాలో చేరడంతో క్రిమియాకు చెందిన ఈ గూఢచారి దళం ఇకపై రష్యా కోసం పనిచేయనున్నట్లు ఆ దేశ అధికారులు ఇటీవల ప్రకటించారు.
