ఫ్లోరిడా: దాదాపు 5లక్షల డాలర్లను దొంగతనం చేస్తూ వీడియో తీసుకున్న ఓ దొంగల ముఠా దాన్ని ఫేస్ బుక్ పోస్ట్ చేసి అడ్డంగా దొరికిపోయింది. ఫ్లోరిడాలోని ఓ బంగారపు షాపులో గత నెల 27న దొంగలు పడి అందినకాడికి దోచుకెళ్లారు. సరదాగా వాళ్లు ఆ దోపిడీని వీడియో తీసుకుని, ఆ తర్వాత ఫేస్ బుక్ లో అప్ లోడ్ చేశారు.
అయితే ఈ వీడియోను ఫేస్ బుక్ లో చూసిన పోలీసులు దోపిడికి పాల్పడిన ముగ్గురు దొంగలను గుర్తించారు. వారిలో ఇద్దర్ని అరెస్ట్ చేసి, పరారీలో ఉన్న మూడో వ్యక్తి కోసం గాలిస్తున్నారు. కాగా దాదాపు ఏడు నిమిషాల వ్యవధి ఉన్న ఈ వీడియోను ఇప్పటివరకు మూడు వేల మంది వీక్షించారు.
