ప్రముఖ నటి, మాజీ మిస్‌ యూనివర్స్‌ సుస్మితా సేన్‌ శనివారం (నవంబర్‌ 19) 41వ వసంతంలో అడుగుపెట్టింది. దుబాయ్‌లో విహరిస్తున్న ఈ ముద్దుగుమ్మ తన పుట్టినరోజు వేడుకలు కుటుంబసభ్యులు, స్నేహితుల మధ్య ఆనందంగా జరుపుకొంది. కూతుళ్లు రీనా, ఆలీషా, తల్లి సుభ్రాతోపాటు పలువురు ఈ వేడుకల్లో పాల్గొన్నారు. దుబాయ్‌లో కలర్‌ఫుల్‌గా జరిగిన ఈ పుట్టినరోజు వేడుకల ఫొటోలను సుస్మిత తన ఇన్‌స్టాగ్రామ్‌ పేజీలో పోస్టు చేసింది. చాలా క్యూట్‌గా ఉన్న ఈ ఫొటోలు నెటిజన్లను అలరిస్తున్నాయి. నాగార్జున ‘రక్షకుడు’ సినిమాతో తెలుగువారిని కూడా పలుకరించిన సుస్మితా సేన్‌ హిందీలో ‘మై హు నా’ వంటి సూపర్‌హిట్‌ సినిమాల్లో నటించిన సంగతి తెలిసిందే. తన మరిన్ని పుట్టినరోజు ఫొటోలు ఇక్కడ చూడొచ్చు.
