రెండింతల స్టోరేజ్తో నుబియా ఎన్1

ఆండ్రాయిడ్ లవర్స్కు గుడ్న్యూస్. ఇంటర్నల్ మెమరీని రెండింతలు చేసిన కొత్త నుబియా ఎన్1 భారత మార్కెట్లోకి లాంచ్ అయింది. 64జీబీ వేరియంట్తో లాంచ్ అయిన ఈ ఫోన్ను కంపెనీ ఫిబ్రవరి 8 మధ్యాహ్నం 12 గంటల నుంచి అమెజాన్ ఇండియా వెబ్సైట్లో విక్రయించనుంది.  బ్లాక్, గోల్డ్ కలర్ ఆప్షన్స్లో ఈ ఫోన్ అందుబాటులో ఉండనుంది. 5.5 అంగుళాల డిస్ప్లే ఈ ఫోన్ కలిగి ఉంది. వినియోగదారులను దృష్టిలో ఉంచుకున్న కంపెనీ ఈ ఫోన్లో 64జీబీ ఇంటర్నల్ మెమరీని అందించనున్నట్టు నుబియా ఇండియా దేశీయ మేనేజర్, ఎరిక్ హు తెలిపారు. ఈ ఫోన్ను మొదట గత డిసెంబర్లోనే కంపెనీ ఆవిష్కరించింది. ప్రస్తుతం ఇంటర్నల్ మెమరీ రెండింతలు చేసిన ఈ ఫోన్ ధర రూ.12,499.