న్యూయార్క్: అత్యంత పెద్ద వయస్కురాలైన ఫేస్బుక్ అభిమాని అన్నా స్టోయర్(114) అమెరికాలోని మిన్నెసోటాలో మరణించారు. తన జన్మదినాన్ని తప్పుగా పేర్కొని ఆమె ఫేస్బుక్ లో ఖాతా తెరిచారు. తన వయసు 15 ఏళ్లు తగ్గించి 99గా పేర్కొని ఫేస్బుక్ ఎకౌంట్ పొందారు. నిజానికి ఆమె 1900, అక్టోబర్ 15న జన్మించారు.
అక్టోబర్ లో జన్మదినం జరుపుకున్న అన్నా స్టోయర్ లేటెస్ట్ ఐఫోన్ ఎలా వాడాలో నేర్చుకున్నారు. ఇందులో ఈ-మెయిల్, గూగుల్ ఎలా చూసుకోవాలో తెలుసుకున్నారు. సోషల్ మీడియా ద్వారా తన అభిప్రాయాలను కుటుంబ సభ్యులు, స్నేహితులతో పంచుకునేవారు.