ఇంద్రధనుస్సు వర్ణాలతో మెరిసిపోతున్న ఈ బ్రిడ్జి ఫౌంటేన్ దక్షిణ కొరియాలోని సియోల్లో ఉంది. హన్ నదిపై ఉన్న బ్రిడ్జికి రెండువైపులా ఉండే ఈ ఫౌంటేన్ను చూడటానికి ప్రపంచవ్యాప్తంగా పర్యాటకులు ఇక్కడికి వస్తుంటారు. అంతేకాదు.. ఇది ప్రపంచంలోనే అత్యంత పొడవైన బ్రిడ్జి ఫౌంటేన్గా గిన్నిస్ రికార్డు కూడా సాధించింది. 1.14 కిలోమీటర్ల పొడవుతో ఉండే ఈ ఫౌంటేన్ నిమిషానికి 190 టన్నుల నీటిని చిమ్ముతుంది. 2009లో దీన్ని నిర్మించారు.
