ప్రముఖ నటుడి కూతురు మిస్సింగ్!

16 Oct, 2015 16:38 IST|Sakshi
ప్రముఖ నటుడి కూతురు మిస్సింగ్!

ముంబై: బాలీవుడ్, భోజ్పురి నటుడు రవికిషన్ 19 ఏళ్ల కూతురు కనిపించకుండాపోయారు. తన కూతురు కనిపించడం లేదని ఆయన పోలీసులకు ఫిర్యాదు చేశారు. ఇందుకు సంబంధించి కొన్నిరోజుల కిందటే ఆయన బంగుర్నగర్ పోలీసులకు ఫిర్యాదు చేశాడని, ప్రస్తుతం పోలీసులు దర్యాప్తు జరుపుతున్నారని డీసీపీ (డిటెన్షన్) ధనుంజయ్ కులకర్ణి తెలిపారు. రవికిషన్ కూతురు ఇంటిని వదిలివెళ్లిపోవడం ఇది రెండోసారి. గతంలోనూ ఓసారి ఆమె తల్లిదండ్రులను వదిలేసి బయటకు వెళ్లిందని పోలీసు వర్గాలు తెలిపాయి.

భోజ్పురి నటుడిగా ఫేమస్ అయిన రవికిషన్ ఇటీవల బిగ్బాస్, ఏక్ సే బడ్ఖర్ ఏక్- జల్వా సితారోంకా వంటి టీవీ కార్యక్రమాలతో దేశవ్యాప్తంగా ఆదరణ పొందారు. అంతేకాకుండా తెలుగులో 'రేసుగుర్రం', 'కిక్-2' సినిమాల్లో విలన్ గా నటించారు.
 

Read latest Top-news News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు