సాక్షి, అమరావతి: ప్రభుత్వాస్పత్రుల్లో స్టాఫ్‌ నర్సు పోస్టుల భర్తీలో భాగంగా ఫైనల్‌ మెరిట్‌ జాబితాను జోన్‌– 2, 3, 4లలో విడుదల చేశారు. జోన్‌–1లో ఫైనల్‌ మెరిట్‌ జాబితా విడుదల కావాల్సి ఉంది. 957 స్టాఫ్‌ నర్స్‌ పోస్టుల భర్తీకి గత నెల మొదటి వారంలో వైద్య శాఖ నోటిఫికేషన్‌ జారీ చేసింది.
నాలుగు జోన్‌లలో 40 వేల మందికి పైగా అభ్యర్థులు దరఖాస్తు చేసుకున్నారు. అత్యధికంగా జోన్‌–2లో 12,295 మంది ఉన్నారు. ఫైనల్‌ మెరిట్‌ జాబితా వెలువడిన నేపథ్యంలో ఈ వారంలో ఎంపికైన అభ్యర్థుల జాబితాలను విడుదల చేసి, వారికి కౌన్సెలింగ్‌ ఇచ్చి పోస్టింగ్‌లు ఇచ్చే అవకాశం ఉంది.
