చెన్నై: విమానయాన సంస్థ ఆకాశ ఎయిర్‌ తాజాగా చెన్నై–బెంగళూరు రూట్‌లో ఫ్లయిట్‌ సర్వీసులు ప్రారంభించింది. చెన్నై రాకతో తమ నెట్‌వర్క్‌లో అయిదో నగరం చేరినట్లయిందని సంస్థ తెలిపింది.
ఈ రూట్‌లో రోజూ రెండు ఫ్లయిట్స్‌ నడపడంతో పాటు సెప్టెంబర్‌ 26 నుండి చెన్నై–కొచ్చి మధ్యలో కూడా సర్వీసులు ప్రారంభించనున్నట్లు ఆకాశ ఎయిర్‌ వివరించింది. దశలవారీగా దేశవ్యాప్తంగా నెట్‌వర్క్‌ను వేగవంతంగా విస్తరించాలనే తమ లక్ష్యాలకు అనుగుణంగా వ్యూహాన్ని అమలు చేస్తున్నట్లు పేర్కొంది.
