బేయర్ క్రాప్‌సైన్స్‌ -టొరంట్‌.. లాభాల పవర్‌

7 Aug, 2020 13:10 IST|Sakshi

క్యూ1 ఫలితాల జోష్‌

సరికొత్త గరిష్టానికి బేయర్ క్రాప్‌సైన్స్‌

5 శాతం జంప్‌చేసిన టొరంట్‌ పవర్‌

52 వారాల గరిష్టానికి టొరంట్‌ పవర్‌ షేరు

ప్రస్తుత ఆర్థిక సంవత్సరం(2020-21) తొలి త్రైమాసికంలో ఆకర్షణీయ ఫలితాలు ప్రకటించడంతో సస్య రక్షణ రంగ దిగ్గజం బేయర్‌ క్రాప్‌సైన్స్‌  కౌంటర్‌కు భారీ డిమాండ్‌ కనిపిస్తోంది. ఇదే కాలం(ఏప్రిల్‌-జూన్‌)లో ప్రోత్సాహకర ఫలితాలు సాధించడంతో ప్రయివేట్‌ రంగ కంపెనీ టొరంట్‌ పవర్‌కౌంటర్‌ సైతం వెలుగులో నిలుస్తోంది. ఇన్వెస్టర్లు కొనుగోళ్లకు ఎగబడటంతో ఈ రెండు కౌంటర్లూ భారీ లాభాలతో కళకళలాడుతున్నాయి. వివరాలు చూద్దాం..

బేయర్‌ క్రాప్‌సైన్స్
ఈ ఏడాది క్యూ1(ఏప్రిల్‌-జూన్‌)లో బేయర్‌ క్రాప్‌సైన్స్‌ నికర లాభం 86 శాతం ఎగసింది. కన్సాలిడేటెడ్‌ ప్రాతిపదికన రూ. 252 కోట్లకు చేరింది. మొత్తం ఆదాయం సైతం 29 శాతం పుంజుకుని రూ. 1,228 కోట్లను తాకింది. ఈ నేపథ్యంలో ప్రస్తుతం ఎన్‌ఎస్‌ఈలో బేయర్‌ క్రాప్‌సైన్స్‌ షేరు 10 శాతం దూసుకెళ్లి రూ. 6,174 వద్ద ట్రేడవుతోంది. తొలుత ఒక దశలో 15 శాతం దూసుకెళ్లి రూ. 6,450కు చేరింది. వెరసి చరిత్రాత్మక గరిష్టాన్ని అందుకుంది!

టొరంట్‌ పవర్‌
ఈ ఏడాది క్యూ1(ఏప్రిల్‌-జూన్‌)లో టొరంట్‌ పవర్‌ రూ. 373 కోట్ల నికర లాభం ఆర్జించింది. గతేడాది(2019-20) క్యూ1తో పోలిస్తే ఇది35 శాతం వృద్ధికాగా.. కన్సాలిడేటెడ్‌ ప్రాతిపదికన మొత్తం ఆదాయం మాత్రం 19 శాతం నీరసించి రూ. 3,042 కోట్లను తాకింది. ఈ నేపథ్యంలో ప్రస్తుతం ఎన్‌ఎస్‌ఈలో టొరంట్‌ పవర్‌ షేరు 5.2 శాతం జంప్‌చేసి రూ. 345 వద్ద ట్రేడవుతోంది. తొలుత ఒక దశలో రూ. 358 వరకూ ఎగసింది. ఇది 52 వారాల గరిష్టంకావడం గమనార్హం!

Read latest Business News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా