డెలివరీ సర్వీస్‌ టార్గెట్‌గా ఈ కామ్‌ ఎక్స్‌ప్రెస్‌

18 Apr, 2022 19:01 IST|Sakshi

ఈ కామ్‌ ఎక్స్‌ప్రెస్‌ లిమిటెడ్‌ సంస్థ హైదరాబాద్‌లో తమ టూవీలర్లను పరిచయం చేసింది. ఈ కామర్స్‌ రంగానికి ఊతం ఇవ్వడంతో పాటు వాయు కాలుష్యాన్ని తగ్గించే లక్ష్యంతో ఈ కామ్‌ ఎక్స్‌ప్రెస్‌ ఎలక్ట్రిక్‌ టూవీలర్ల మార్కెట్‌లోకి ప్రవేశించింది. ఈ కామర్స్‌ రంగానికి సంబంధించి గిగా ఎకానమి వృద్ధి రేటును దృష్టిలో ఉంచుకుని డెలివరీ సర్వీస్‌ ఫస్ట్‌ టార్గెట్‌గా  ఈ కామ్‌ టూ వీలర్లు తీసుకువచ్చింది. 2025 నాటికి ఈ కామర్స్‌ డెలివరీ వాహనాల్లో సగం వాటా సాధించాలని ఈ కంపెనీ లక్ష్యంగా పెట్టుకుంది.

ఛార్జింగ్ ఫెసిలిటీతో సహా ఈవి రోల్-అవుట్‌ సర్వీస్‌లను ఈకామ్‌ ఎక్స్‌ప్రెస్‌ అందిస్తోంది. ఇప్పటికే ఢిల్లీలో గణనీయమైన మార్కెట్‌ను సొంతం చేసుకున్న ఈకామ్‌ ఎక్స్‌ప్రెస్‌.. ప్రస్తుతం అక్కడ 3 వీలర్‌ మార్కెట్‌పై ఫోకస్‌ చేసింది. కంపెనీతదుపరి విస్తరణలో భాగంగా హైదరాబాద్‌, జైపూర్‌లో సేవలు ప్రారంభించింది. 

మరిన్ని వార్తలు