అది ఎలన్​ మస్క్​కే సాధ్యం!

7 Jun, 2021 20:24 IST|Sakshi

న్యూయార్క్​: లక్షల కోట్లు సంపాదించాలన్న.. అలాంటి లక్షల కోట్లను క్షణాల్లో ముంచేయాలన్న టెస్లా సీఈవో ఎలన్​ మస్క్​ చేసే ఒక్క ట్వీట్ చాలు. ఈ మధ్య క్రిప్టోకరెన్సీ ఫేట్​ను మార్చేస్తున్న ఈ టెక్​ బిలియనీర్.. తాజాగా చేసిన ఓ చిలిపి పని వైరల్ అవుతోంది. అడల్ట్ క్రిఫ్టో కరెన్సీ కోసం మస్క్ పోస్ట్ చేసిన ట్వీట్లు డిజిటల్ కరెన్సీ మార్కెట్​​లో అలజడిని సృష్టించాయి.

తాజాగా మస్క్​ చేసిన రెండు​ ట్వీట్లతో పోర్న్-థీమ్డ్​ క్రిప్టో కరెన్సీ కమ్​రాకెట్​ కాయిన్​ విలువ ఒకే రోజులో 352 శాతానికి పెరిగింది. అది కూడా ప్రారంభంలో కేవలం పది నిమిషాల్లో నాలుగు వందల రెట్లు పెరిగి.. నిదానంగా 352 శాతం దగ్గర ముగియడం విశేషం. ముందుగా ఎలన్ మస్క్​  ‘కెనడా, యుఎస్ఎ, మెక్సికో’ అర్థం వచ్చేలా ఒక ట్వీట్​ చేశాడు. దీంతో ఈ మూడు దేశాల మొదటి అక్షరంతో ప్రారంభమయ్యే క్రిప్టోకరెన్సీలను సూచిస్తున్నారని నెటిజన్స్​ అర్థం  చేసుకున్నారు. ఆ మరుసటి రోజు అడల్ట్ సిగ్నేచర్స్​తో చేసిన ట్వీట్స్​ ఈ​ పోర్న్​ థీమ్డ్​ క్రిఫ్టో కరెన్సీ విలువ దూసుకుపోతోందని స్పష్టత ఇచ్చాడు. చదవండి: స్పేస్​ఎక్స్​కి ఇండియాలో ఎదురుదెబ్బ

 

కమ్​రాకెట్.. అడల్ట్ ఇండస్ట్రీకి సపోర్ట్​గా పుట్టుకొచ్చిన క్రిప్టోకరెన్సీ. దీనితో పాటే కమ్మీ, కమ్మీన్స్​ అనే మరో రెండు క్రిఫ్టో కాయిన్స్​ చెలామణిలో ఉన్నాయి. ఎలన్​ మస్క్​ ట్వీట్స్ తర్వాత వాటి విలువలు కూడా 45 శాతం, 19 శాతం పెరగడం విశేషం. అసలే క్రిప్టోకరెన్సీ మార్కెట్‌ అంటేనే గందరగోళం.. ఎలోన్ మస్క్ తన ట్వీట్లతో ఆ మార్కెట్​ను మరింత గందరగోళంగా మార్చేస్తూ వస్తున్నాడు.

Read latest Business News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు