న్యూఢిల్లీ: ద్విచక్ర వాహన తయారీ సంస్థ హీరో మోటోకార్ప్‌ ‘డర్ట్‌ బైకింగ్‌ చాలెంజ్‌’ పేరుతో కార్యక్రమాన్ని చేపట్టింది. దేశవ్యాప్తంగా 45 నగరాల్లో 90 రోజుల పాటు ఐదు స్థాయిల్లో ఈ పోటీని నిర్వహించనుంది.
మొదటి స్థానంలో నిలిచిన విజేతకు, రెండో స్థానంలో వచ్చిన ఇద్దరికి హీరో ఎక్స్‌పల్స్‌ 200 4వీ మోటార్‌సైకిళ్లు, స్పాన్సర్‌షిప్‌ కాంట్రాక్టులు లభిస్తాయి. వీటి విలువ దాదాపు రూ.20 లక్షల మేరకు ఉంటుంది.
ఈ కార్యక్రమాన్ని నవంబర్‌లో ఎంటీవీతో పాటు ఓటీటీ ప్లాట్‌ఫామ్‌ వీఓఓటీలోనూ టెలీకాస్ట్‌ చేస్తారు. చక్కటి డ్రైవింగ్‌ నైపుణ్యాలు కలిగిన యువత రేసింగ్‌ విభాగంలో ఎదిగేందుకు ఇది ఉత్తమ వేదిక అవుతుందని హీరో మోటాకార్ప్‌ చీఫ్‌ గ్రోత్‌ ఆఫీసర్‌ రంజీవ్‌జిత్‌ సింగ్‌ వివరించారు.
