ధర రూ.2.15 కోట్లు
ముంబై: టయోటా అనుబంధ సంస్థ లెక్సెస్‌ లిమిటెడ్‌ బుధవారం లిమిటెడ్‌ ఎడిషన్‌గా ఎల్‌సీ 500హెచ్ మోడల్‌ కారును విడుదల చేసింది. ప్రారంభ ధర రూ.2.15 కోట్లుగా ఉంది. ఎయిర్‌ రేస్‌ పైలెట్‌ యోషిహిడే మురోయా, లెక్సెస్‌ ఇంజనీర్ల భాగసామ్యంలో ఈ కారు రూపకల్పన జరిగింది. ఏవియేషన్‌ డిజైన్‌ ప్రేరణతో వస్తున్న ఈ మోడల్‌ను కస్టమర్లు ఆదరిస్తారని భారత ప్రెసిడెంట్‌ పీబీ వేణుగోపాల్‌ ఆశాభావం వ్యక్తం చేశారు. ప్రపంచవ్యాప్తంగా 90 దేశాలలో ఈ లెక్సస్‌ కార్లు అమ్ముడవుతున్నాయి.
