మ్యాక్బుక్ ఎయిర్‌ ఎం1పై భారీ ఆఫర్‌
Macbook Air M1 Price Drop India, సాక్షి, ముంబై: బడ్జెట్‌ ధరలో ఆపిల్‌ ల్యాప్‌టాప్‌ కావాలనుకేవారికి ఆపిల్‌ గుడ్‌న్యూస్‌ చెప్పింది. ముఖ్యంగా ఆపిల్‌ మ్యాక్బుక్ లవర్స్‌కు బంపర్‌ ఆఫర్‌ అందిస్తోంది కంపెనీ. మ్యాక్బుక్ ఏయిర్‌ ఎం1 ధర భారీగా తగ్గించింది. దీంతో ఇండియాలోని కస్టమర్ల కోసం దీని ధరరూ.65,900కి దిగి వచ్చింది. దీని అసలు ధర 99,900 రూపాయలు. తాజా తగ్గింపు ఆఫర్‌తో దీన్ని రూ. రూ.65,900 సొంతం చేసుకోవచ్చు.
మ్యాక్బుక్ ఎయిర్‌ ఎం1 కొనుగోలు ఆఫర్లను గమనిస్తే.. హెచ్‌డీఎఫ్‌సీ కార్డు లావాదేవీలపై 6 వేల వరకు తగ్గింపును పొందవచ్చు. నో-కాస్ట్ EMI ఆఫర్‌ కూడా లభ్యం. అలాగే పవర్ బ్యాంక్, కార్‌ ఛార్జర్, ఇయర్‌ఫోన్‌లు లాంటివి వద్దు అనుకుంటే మరో రూ. 3,000 తగ్గింపు ఉంటుంది. దీనితో పాటు, కస్టమర్‌లు తమ పాత మ్యాక్బుక్ లేదా మరేదైనా ల్యాప్‌టాప్‌ను మార్చుకుని రూ. 16,000 వరకు తగ్గింపు పొందవచ్చు. రూ.7,000 ఎక్స్చేంజ్ బోనస్ కూడా ఉంది. ఇలా మొత్తంగా ధర రూ.65,900 కు చేరింది.
మ్యాక్బుక్ ఎయిర్‌ ఎం1 ఫీచర్లు
13.3-అంగుళాల డిస్‌ప్లే
400 నిట్స్ పీక్ బ్రైట్‌నెస్‌
వెడ్జ్- షేప్‌ డిజైన్
రెండు USB టైప్-C పోర్ట్‌లు
3.5mm హెడ్‌ఫోన్ జాక్‌
8జీబీ ర్యామ్‌, 512 జీబీ వరకు విస్తరించుకునే అవకాశం
కాగా ప్రస్తుతం రూ.1,19,900 వద్ద MacBook Air M2 అందుబాటులో ఉన్న సంగతి తెలిసిందే. అయితే దీని ధర ఎక్కువనుకునే కొనుగోలు దారులు తగ్గింపు ధరలో లభిస్తున్న MacBook Air M1పై ఓ లుక్కేయవచ్చు.
