న్యూఢిల్లీ: వాహన తయారీ దిగ్గజం మారుతీ సుజుకీ 17,362 యూనిట్లు రీకాల్‌ చేస్తోంది. వీటిలో డిసెంబర్‌ 8 నుంచి జనవరి 12 మధ్య తయారైన ఆల్టో కె10, ఎస్‌–ప్రెస్సో, ఈకో, బ్రెజ్జా, బలేనో, గ్రాండ్‌ వితారా ఉన్నాయి.
ఈ కార్లలో ఎయిర్‌బ్యాగ్‌ కంట్రోలర్‌ తనిఖీ చేసి లోపాలు ఉంటే ఉచితంగా మార్పిడి చేయనున్నట్టు కంపెనీ బుధవారం ప్రకటించింది. ప్రభావిత భాగంలో లోపం ఉండవచ్చునని అనుమానిస్తున్నట్టు వెల్లడించింది. సంబంధిత కస్టమర్లకు మారుతీ సుజుకీ అధీకృత వర్క్‌షాప్స్‌ నుంచి సమాచారం వస్తుందని తెలిపింది.
చదవండి: గ్యాస్‌ సిలిండర్‌ డోర్‌ డెలివరీ చేస్తే డబ్బులు ఇస్తున్నారా? కంపెనీ ఏం చెప్తోందంటే!
