మహిళా సంఘాలకు ఆర్బీఐ శుభవార్త అందించింది. దీన్ దయాళ్ అంత్యోదయ యోజన (డీఏవై-ఎన్ఆర్ఎల్ఎం) కింద స్వయం సహాయక బృందాలకు తనఖా లేకుండానే రూ.20 లక్షల వరకు రుణం ఇవ్వనున్నట్లు ఆర్బీఐ పేర్కొంది. ఇప్పటి వరకు డీఏవై-ఎన్ఆర్ఎల్ఎం కింద ఇస్తున్న రుణాలను రూ.10 లక్షల నుంచి రూ.20 లక్షలకు పెంచాలని రిజర్వ్ బ్యాంక్ ఆఫ్ ఇండియా సోమవారం నోటిఫై చేసింది. మహిళల సహాయంతో బలమైన సంస్థలను నిర్మించడం ద్వారా పేదరికాన్ని తగ్గించడం, జీవనోపాధిని కల్పించడానికి భారత ప్రభుత్వం డీఏవై-ఎన్ఆర్ఎల్ఎం పథకాన్ని తీసుకొచ్చింది.
"రూ.10 లక్షల కంటే ఎక్కువ రూ.20 లక్షల వరకు స్వయం సహాయక బృందాలకు ఇచ్చే రుణాల కోసం తనఖా కింద ఎలాంటి ఆస్తులు ఉంచుకోకూడ‌ద‌ని, వారి పొదుపు ఖాతాల‌పై ఎటువంటి ఆంక్ష‌లు విధించ‌కూడ‌ద‌ని, రుణాలు మంజూరు చేసే స‌మ‌యంలో మార్జిన్ కూడా తీసుకోకూడ‌దు" అని తెలిపింది. అదేవిధంగా, ఎస్ హెచ్ జిల సేవింగ్స్ బ్యాంక్ ఖాతాకు విరుద్ధంగా ఎలాంటి తాత్కాలిక హక్కును మార్క్ చేయరాదు, రుణాలను మంజూరు చేసేటప్పుడు ఎలాంటి డిపాజిట్లను పట్టుబట్టరాదు అని తెలిపింది. మైక్రో యూనిట్స్ (సీజీఎఫ్ఎంయు) పథకం కోసం క్రెడిట్ గ్యారెంటీ ఫండ్ లో ప్రభుత్వం ఇటీవల సవరణలు చేసిన తరువాత ఆర్బీఐ ఈ సర్క్యులర్ జారీ చేసింది.
