గృహ రుణాలపై ప్రాసెస్‌ ఫీజు మినహాయింపు

1 Aug, 2021 04:43 IST|Sakshi

హైదరాబాద్, బిజినెస్‌ బ్యూరో: దేశీయ బ్యాంకింగ్‌ దిగ్గజం స్టేట్‌ బ్యాంక్‌ ఆఫ్‌ ఇండియా (ఎస్‌బీఐ) ఆగస్టు 31 వరకు గృహ రుణాలపై ప్రాసెసింగ్‌ ఫీజును మినహాయింపు ఇస్తున్నట్లు ప్రకటించింది. ప్రస్తుతం హౌసింగ్‌ లోన్స్‌ మీద ప్రాసెసింగ్‌ ఫీజు 0.40 శాతంగా ఉంది. ఎస్‌బీఐ మాన్‌సూన్‌ ధమాకా ఈ ఆఫర్‌ను అందుబాటులోకి తీసుకొచ్చామని, గృహ రుణ కస్టమర్లు ఈ సేవలను పొందవచ్చని బ్యాంక్‌ ఒక ప్రకటనలో తెలిపింది. ఎస్‌బీఐ గృహ రుణ వడ్డీ రేట్లు 6.70 శాతం నుంచి ప్రారంభమవుతాయని.. ఇల్లు కొనేందుకు ఇంతకుమించి మంచి తరుణం లేదని పేర్కొంది. ఎస్‌బీఐ యోనో యాప్‌ ద్వారా దరఖాస్తు చేసుకు గృహ రుణాలకు 5 బీపీఎస్‌ (0.05 శాతం), మహిళ గృహ రుణగ్రహీతలకు 0.05 శాతం రాయితీకి అర్హులని ఎస్‌బీఐ ఎండీ (రిటైల్‌ అండ్‌ డిజిటల్‌ బ్యాంకింగ్‌) సీఎస్‌ శెట్టి తెలిపారు. 

Read latest Business News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు