వరోసగా రెండో రోజు పెట్రో వడ్డింపు
దేశీయంగా రికార్డు స్థాయికి పెట్రోలు, డీజిల్ ధరలు
సాక్షి, ముంబై: ఇంధన ధరలసెగ కొనసాగుతోంది. వరుసగా రెండవ రోజు బుధవారం (ఫిబ్రవరి 10) నాటి పెంపుతో పెట్రోల్, డీజిల్ రికార్డు స్థాయిలను తాకాయి. దేశవ్యాప్తంగా పెట్రోల్ ధరలను లీటరుకు 26-30 పైసలు పెంచగా, దేశంలోని ప్రధాన మెట్రో నగరాల్లో డీజిల్ ధరను 24-29 పైసలు చొప్పునపెంచుతూ ఆయిల్‌ కంపెనీ నిర్ణయించాయి. (పెట్రో షాక్‌: రికార్డు ధరలు)
ఢిల్లీలో పెట్రోల్ రేట్లు లీటరుకు రూ .87.30 కు చేరుకోగా, పెట్రోల్ ధర లీటరుకు రూ .77.73 కు పెరిగింది. మంగళవారం రేటుతో పోలిస్తే 29 పైసలు పెరిగిన తరువాత ముంబైలో లీటరు పెట్రోల్‌కు 94.12 రూపాయలు , డీజిల్ ధర రూ .84.63 గా ఉంది.
ప్రధాన నగరాల్లో పెట్రోల్ , డీజిల్ ధరలు లీటరుకు
కోల్‌కతాలో పెట్రోల్ ధర రూ .88.92 డీజిల్ ధర రూ .81.31
చెన్నైలో పెట్రోల్ ధర రూ .89.96 డీజిల్ ధర రూ . 82.90
బెంగళూరులో పెట్రోల్ రూ.90.53 డీజిల్ రూ.82.40
హైదరాబాదులో పెట్రోల్ ధర రూ. 91.09, డీజిల్ ధర రూ. 84.79 (27పైసలు పెంపు)
అమరావతిలో పెట్రోల్ రూ. 93.74, డీజిల్ రూ. 86.94 (27పైసలు పెంపు)
