హైదరాబాద్‌: తెలుగు అకాడమీ నిధుల గోల్‌మాల్‌ కేసులో సీసీఎస్‌ పోలీసులు దర్యాప్తును వేగవంతం చేశారు. ఈ సందర్భంగా తెలుగు అకాడమీ ఉద్యోగులంతా హిమాయత్‌నగర్‌లో విచారణకు అందుబాటులో ఉండాలని సీసీఎస్‌ పోలీసులు ఆదేశాలు జారీచేశారు. అదే విధంగా, మాజీ డైరెక్టర్‌ సోమిరెడ్డి, అకౌంట్స్‌ అధికారి రమేష్‌లను విచారణకు హజరుకావాలని సీసీఎస్‌ పోలీసులు సమాచారం అందించారు.
ఈ కేసులో ఏ1 నిందితుడిగా ఉన్న బ్యాంక్‌ మేనేజర్‌ మస్తాన్‌వలీ, ఏ2 గా నిందితునిగా ఉన్న రాజ్‌కుమార్‌ల మధ్య ఉన్నసంబంధాలపై పోలీసులు ఆరా తీయనున్నట్లు సమాచారం. ఈ కేసులో వీరికి.. ఔట్‌ సోర్సింగ్‌ ఉద్యోగి రఫీకి మధ్య ఆర్థిక లావాదేవీల విషయంలో విచారించనున్నట్లు తెలుస్తోంది.
