అహ్మదాబాద్‌ : గుజరాత్‌లోని వల్సద్ జిల్లా వాపీ నగరంలో భారీ అగ్నిప్రమాదం జరిగింది. నగరంలోని ఓ కెమికల్‌ ఫ్యాక్టరీలో శనివారం మధ్యాహ్నం మంటలు చెలరేగడంతో ఒక్కసారిగా దట్టమైన పొగలు చుట్టుపక్కల కమ్ముకున్నాయి. ఒక్కసారిగా భారీ ఎత్తున మంటలు చెలరేగడంతో స్థానికులు అగ్ని మాపక సిబ్బందికి సమాచారం అందించారు. సమాచారం అందుకున్న వెంటనే దాదాపు 8 ఫైరింజన్లు ఘటనా స్థలానికి చేరుకుని మంటలను అదుపులోకి తెచ్చేందుకు యత్నిస్తున్నాయి. ప్రమాద కారణాలు, ఏ మేరకు ఆస్తి, ప్రాణ నష్టం వాటిల్లిందని తెలియాల్సి ఉంది.
