సాక్షి, శ్రీకాకుళం జిల్లా: దొంగతనానికి వెళ్లిన దొంగ.. గోడలో ఇరుక్కుపోయిన ఘటన శ్రీకాకుళం జిల్లాలో చోటు చేసుకుంది. కంచికి సమీపంలోని జడిపుడి గ్రామంలో పొరుగు గ్రామానికి చెందిన పాపారావు అనే వ్యక్తి.. గాల జమ్మి గుడిలో దొంగతనానికి ప్రయత్నించాడు. తొలిత గోడకు ఓ వైపున చిన్న కన్నం పెట్టి గుడిలోకి ప్రవేశించాడు.
చదవండి: యువతిపై అత్యాచారయత్నం.. ప్రతిఘటించడంతో నేలకేసి కొట్టి..
గోడలో నుండి గుడిలోకి బాగానే వెళ్లిపోయిన ఆ దొంగ.. హుండీలో ఉన్న కానుకలు చేత పట్టి ఈజీగా బయటకు రాలేకపోయాడు. చివరికి గోడలో ఇలా ఇరుకున్నాడు. స్థానికులు గమనించి దొంగని పట్టుకుని పోలీసులకు అప్పగించారు. స్థానికులు దీనిని వీడియో చిత్రించారు. ఇప్పుడు ఈ వీడియో వైరల్‌గా మారింది.
