ఫైనాన్స్‌ వ్యాపారి బ్లాక్‌మెయిల్‌.. మహిళ న్యూడ్‌ వీడియో వెబ్‌సైట్‌లో పెట్టి..
కొనేరుసెంటర్‌(మచిలీపట్నం)కృష్ణా జిల్లా: ఓ మహిళ న్యూడ్‌ వీడియోతో వేధింపులకు గురిచేస్తున్న ఇద్దరు వ్యక్తులను గురువారం మచిలీపట్నం దిశ పోలీసులు అరెస్ట్‌ చేశారు. రాజమండ్రికి చెందిన ఓ మహిళ తన వ్యాపార అవసరాల కోసం ఫైనాన్స్‌ వ్యాపారి హన్సకుమార్‌ని కొంత నగదు అప్పు అడగ్గా.. అతను న్యూడ్‌ వీడియో కాల్‌ చేస్తే ఇస్తానని చెప్పాడు. దీంతో ఆ మహిళ తప్పని పరిస్థితుల్లో న్యూడ్‌ వీడియో చాట్‌ చేసింది.
చదవండి: వివాహిత మిస్సింగ్‌.. కారణం ఆ ఇద్దరేనా?..
దీన్ని స్క్రీన్‌ రికార్డు చేసిన హన్సకుమార్‌ దాన్ని విజయవాడ కానూరులోని తన బంధువు చందుకు షేర్‌ చేయగా అతను ఆ వీడియోని ఫోర్న్‌ వెబ్‌సైట్‌లో పెట్టి బ్లాక్‌ మెయిల్‌కు దిగాడు. దీంతో బాధిత మహిళ మచిలీపట్నం దిశ పోలీసులకు ఫిర్యాదు చేసింది. బాధితురాలి ఫిర్యాదు మేరకు ఇద్దరినీ అరెస్ట్‌ చేసినట్టు దిశ డీఎస్పీ రాజీవ్‌ కుమార్‌ మీడియాకు తెలిపారు.
