అత్యాచార నిందితుడితో యువతి అరెస్ట్‌.. బాధతో గుండె పగిలి..

1 Jul, 2021 10:31 IST|Sakshi
షానియా కొల్నిన్స్‌(19)

ఈడిన్‌బర్గ్‌ : అత్యాచార నిందితుడితో తనను అరెస్ట్‌ చేశారన్న ఆవేదనతో ఓ యువతి గుండె పగిలి మరణించింది. స్కాట్‌లాండ్‌లో 2020 డిసెంబర్‌లో చోటుచేసుకున్న ఈ సంఘటనపై స్థానిక కోర్టు విచారణకు సిద్ధమైంది. పోలీసులు తెలిపిన వివరాల మేరకు.. 2020 డిసెంబర్‌ 22న స్కాట్‌లాండ్‌, ఎబర్‌డీన్‌కు చెందిన యువతి షానియా కొల్నిన్స్‌(19)ను ట్రాఫిక్‌ రూల్స్‌ బ్రేక్‌ చేసిన కారణంగా పోలీసులు అదుపులోకి తీసుకున్నారు. అయితే, 29 ఏళ్ల ఓ అత్యాచార నిందితుడితో తనను అరెస్ట్‌ చేయటంతో తీవ్ర మనస్తాపానికి గురైన షానియాకు గుండెపోటు వచ్చింది.

దీంతో ఆమెను అంబులెన్స్‌లో దగ్గరలోని ఆసుపత్రికి తరలించారు. ఆసుపత్రిలో చికిత్సపొందుతూ ఆమె మరణించింది. ఎబర్‌డీన్‌ షెర్రీఫ్‌ కోర్టు తాజాగా ఈ సంఘటనపై విచారణకు సిద్ధమైంది. ఆగస్టు 11వ తేదీన విచారణ చేయనుంది. కాగా, ఈ సంఘటనకు సంబంధించి పోలీసులపై పలు అనుమానాలు వ్యక్తం అవుతున్నాయి.

Read latest Crime News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు