ముందు జాగ్రత్తలతో కేన్సర్‌ నివారణ: కలెక్టర్‌

29 Feb, 2024 19:48 IST|Sakshi

సాక్షి, సిటీబ్యూరో: కేన్సర్‌కు నిర్దిష్టమైన మందులు లేవని, అది రాకుండా ఉండేందుకు ముందు జాగ్రత్త చర్యలు ఉత్తమమని హైదరాబాద్‌ జిల్లా కలెక్టర్‌ అనుదీప్‌ దురిశెట్టి అన్నారు. బుధవారం కలెక్టరేట్‌లో మహిళా ఉద్యోగులు, వారి కుటుంబ సభ్యులకు ఉచిత కేన్సర్‌ స్క్రీనింగ్‌ క్యాంప్‌ను ఆయన ప్రారంభించారు. ఈ సందర్భంగా మాట్లాడుతూ 30 సంవత్సరాలు దాటిన మహిళలు స్క్రీనింగ్‌ పరీక్షలు జరిపించుకోవాలని, దీనితో రానున్న ప్రమాదాన్ని ముందుగానే గుర్తించవచ్చన్నారు. సర్వైకల్‌, బ్రెస్ట్‌ కేన్సర్లను ముందుగా గుర్తిస్తే సత్వర చికిత్స ద్వారా స్వస్థత పొందవచ్చన్నారు. ఈ కార్యక్రమంలో అడిషనల్‌ జిల్లా వైద్య ఆరోగ్యశాఖ అధికారి డాక్టర్‌ నిర్మలా ప్రభావతి, ఎంఎన్‌జే కేన్సర్‌ ఇన్‌స్టిట్యూట్‌ డైరెక్టర్‌ డాక్టర్‌ జయలత, గైనిక్‌ విభాగం హెడ్‌ డాక్టర్‌ లీల, డాక్టర్‌ శాలిని, డాక్టర్‌ స్వప్న, పారామెడికల్‌ సిబ్బంది తదితరులు పాల్గొన్నారు.

whatsapp channel

మరిన్ని వార్తలు