లండన్‌: ప్రపంచాన్ని కరోనా వైరస్‌ హడలెత్తిస్తుంటే అన్ని దేశాలు వైరస్‌ను అడ్డుకట్టవేయడానికి టీకాలు కనిపెట్టె పనిలో బిజీగా ఉన్నాయి. తాజాగా పొగాకుతో కరోనాకు టీకా(వ్యాక్సిన్‌)ను తయారు చేస్తున్నట్లు లండన్‌కు చెందిన లక్కీ సిగరెట్స్ సంస్థ తెలిపింది. అయితే ప్రొటీన్‌ను ఉపయోగిస్తు పొగాకు ఆకుల నుంచి టీకాను రూపొందిస్తామని సంస్థ ప్రతినిథులు పేర్కొన్నారు. కాగా ఈ టీకాకు సంబంధించిన అనుమతుల కోసం యూఎస్‌ ఫుడ్‌ డ్రగ్‌ శాఖను సంప్రదిస్తామని లక్కీ సిగరెట్స్ సంస్థ అధికారి కింగ్‌స్లే తెలిపారు.
కరోనా వైరస్‌తో అల్లాడుతున్న ప్రజలకు కచ్చితంగా తమ టీకా స్వాంతన కలిగిస్తుందన్న నమ్మకం ఉందని లక్కీ సిగరెట్స్ ప్రతినిథులు తెలిపారు. అనుమతులు రాగానే త్వరలోనే మానవుల్లో ప్రయోగాలు ప్రారంభిస్తామని తెలిపింది. మరోవైపు కరోనాకు కారణమయ్యే జన్యు శ్రేణి(జెనెటిక్‌ సీక్వెన్స్‌) సార్స్‌ కోవిడ్‌ 2 వైరస్‌ రకానికి సంబంధించిన శ్రేణి నుంచి తీసుకోనున్నారు. వేగంగా టీకాను తీసుకొచ్చే ప్రయత్నం చేస్తున్నట్లు సంస్థ అధికారులు పేర్కొన్నారు.
