కొన్ని ఫొటోలు అంతే.. అలా కుదిరిపోతాయంతే..

20 Jul, 2021 16:05 IST|Sakshi
ఫొటో కర్టసీ: సిమోన్‌నీహాం

వెనుక సూర్యుడు ఉదయిస్తుండగా..
ఎముకల కొండపై ఠీవిగా నిల్చుని..
ఏదో తన సామ్రాజ్యాన్నిపర్యవేక్షిస్తున్నట్లుగా..  
కొన్ని ఫొటోలు అంతే.. అలా కుదిరిపోతాయంతే..

చూడగానే.. ఫేమస్‌ హాలీవుడ్‌ మూవీ లయన్‌ కింగ్‌ నుంచి దిగొచ్చినట్లు లేదూ.. ఈ చిత్రాన్ని దక్షిణాఫ్రికాలోని జీజీ కన్జర్వేషన్‌ వైల్డ్‌ లైఫ్‌ రిజర్వులో సిమోన్‌నీహాం అనే ఫొటోగ్రాఫర్‌ క్లిక్‌మనిపించారు. ఆ సింహం అక్కడ కేవలం కొన్ని క్షణాలపాటే నిల్చుందట.. అంతలో మనోడు క్లిక్‌మనిపించాడు. ‘సింహాన్ని అడవికి రాజు అని ఎందుకంటారో ఈ చిత్రాన్ని చూస్తే తెలుస్తుంది’ అని సిమోన్‌ అన్నారు.   


కేవలం 30 అడుగుల దూరం నుంచే సింహాన్ని తన కేనన్‌ 1 డీఎక్స్‌ మార్క్‌ 2 కెమెరాతో ఫొటో తీసినట్టు వెల్లడించారు. ‘ఈ ఫొటోను చూసినవాళ్లు తమకు తోచిన వ్యాఖ్యానాలు చేశారు. కానీ నాకు మాత్రం.. తన రాజ్యాన్ని స్వయంగా పర్యవేక్షించేందుకు వచ్చిన మృగరాజులా కనిపించింద’ని 52 ఏళ్ల సిమోన్‌ పేర్కొన్నారు. 

మరిన్ని వార్తలు