దేనికైనా రెడీ అంటూ!... సింహానికి సవాలు విసురుతూ... ఠీవిగా నుంచుంది కుక్క!!

7 Dec, 2021 11:45 IST|Sakshi

Viral Video Fearless Dog Stares Down Mountain Lion: ఒక్కోసారి జంతువులు చేసే పనులు చూస్తే మనకు చాలా ఆశ్చర్యంగా అనిపిస్తాయి. పైగా వాటికంటే బలమైన జంతువులు ముందు ఏ మాత్రం భయంలేకుండా సంచరించి మనకే భయం కలిగించేలా ప్రవర్తిస్తాయి. అచ్చం అలాంటి ఘటనే జర్మనీలోని కాన్యన్‌ రాష్ట్రంలో చోటు చేసుకుంది.

(చదవండి: ఆ షార్క్‌ చేప వాంతి చేసుకోవడంతోనే మిస్టరీగా ఉన్న హత్య కేసు చిక్కుముడి వీడింది!!)

అసలు విషయంలోకెళ్లితే... జర్మనీలోని కాన్యన్‌ రాష్ట్రంలో సారా అనే ఆమె ఇంటి వద్ద ఉ‍న​ తన పెంపుడు కుక్క అద్దాల గదిలో ఆడుకుంటూ ఉంటుంది. ఇంతలో ఎటు నుంచి వచ్చిందో గానీ ఒక అడవి సింహం వస్తుంది. అది నేరుగా ఆ కుక్క ఉన్న అద్దాల గది వద్దకు వస్తుంది. అయితే ఈ కుక్క ఆ సింహాన్ని చూసి ఏ మాత్రం భయపడకుండా డేర్‌గా నిలబడుతుంది. ఆ రెండిటికి మధ్య ఆ అద్దాల తలుపు  మాత్రమే అడ్డం. పైగా ఆ కుక్కని యజమాని సారా వెనక్కి రమ్మని ఎంతగా పిలిచిన వినకుండా అక్కడ నుంచుని  ఆ సింహాన్ని చూస్తోంది.

అయితే ఆ సింహం కూడా ఆ కుక్క దగ్గరకు వచ్చి నిలబడటమే కాక ఆ తలుపుని తీయడానికి తెగ ప్రయత్నిస్తుంది. అయితే అవి రెండు ఒకరినొకరు చాలా సేపటి వరకు చూసుకుంటారు. ఈ మేరకు కుక్క దాన్ని భయపెట్టేలా అరుస్తుండటం విశేషం. ఆ తర్వాత ఆ సింహం అక్కడ నుంచి వెళ్లిపోతుంది. అయితే ఈ ఘటనకు సంబంధించిన వీడియోని సారా "చిల్లింగ్ ఎన్‌కౌంటర్‌" అనే క్యాప్షన్‌తో సోషల్‌ మీడియాలో పోస్ట్‌ చేస్తుంది. దీంతో ఈ వీడియో ప్రస్తుతం నెట్టింట తెగ వైరల్‌ అవుతోంది. వీరు ఓ లుక్‌ వేయండి. 

(చదవండి: అఫ్ఘాన్‌ బాలికలు విద్యనభ్యసించేలా బలమైన యూఎస్‌ మద్దతు కావాలి!)

మరిన్ని వార్తలు