ప్రపంచం ఎదురుచూస్తోంది

2 Mar, 2021 00:29 IST|Sakshi
వివేక్‌ కూచిభొట్ల, టీజీ విశ్వప్రసాద్, రామ్, సందీప్‌ కిషన్, అభిషేక్‌ అగర్వాల్, లావణ్యా త్రిపాఠీ, దయా వన్నెం

– రామ్‌

‘‘తెలుగు సినిమాలు ఎప్పుడు రిలీజ్‌ అవుతాయి.. మేమంతా ఎదురు చూస్తున్నాం’ అని లాక్‌డౌన్‌  సమయంలో దుబాయ్‌కి చెందిన ఓ నిర్మాత అన్నారు.. అంటే మన తెలుగు సినిమా కోసం ప్రపంచం మొత్తం ఎదురుచూస్తోంది. ప్రతి యాక్టర్‌కీ ఒక పెద్ద హిట్‌ సినిమా అనేది వస్తుంది. సందీప్‌ కెరీర్‌లో ఈ చిత్రం బ్లాక్‌బస్టర్‌ అవుతుంది’’ అని హీరో రామ్‌ అన్నారు. సందీప్‌ కిషన్, లావణ్యా త్రిపాఠీ జంటగా డెన్నిస్‌ జీవన్‌  కనుకొలను దర్శకత్వంలో తెరకెక్కిన చిత్రం ‘ఏ1 ఎక్స్‌ప్రెస్‌’.

టీజీ విశ్వప్రసాద్, అభిషేక్‌ అగర్వాల్, సందీప్‌ కిషన్, దయా వన్నెం నిర్మించిన ఈ చిత్రం ఈ నెల 5న విడుదలవుతోంది. ప్రీ రిలీజ్‌ వేడుకలో  డెన్నిస్‌ జీవన్‌  మాట్లాడుతూ– ‘‘కథ వినగానే సందీప్‌ గ్రీన్‌  సిగ్నల్‌ ఇచ్చారు’’ అన్నారు. సందీప్‌ కిషన్‌  మాట్లాడుతూ – ‘‘ఎవరికీ అవకాశాలు రావు. వాటిని మనమే సృష్టించుకోవాలి. ఆ టైమ్‌లో అండగా నిలబడ్డవారే మనకు దేవుళ్లు... గొప్పవాళ్లు. హాకీ నేపథ్యంలో తెరకెక్కిన చిత్రమిది’’ అన్నారు. ‘‘సందీప్‌ 25వ సినిమా మా బ్యానర్‌లో చేయడం చాలా సంతోషంగా ఉంది’’ అన్నారు టీజీ విశ్వప్రసాద్‌.

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు