Harikatha Movie: ఫ్యామిలీ ఎంటర్‌టైనర్‌గా వస్తున్న హరికథ.. సాంగ్ రిలీజ్ చేసిన ప్రియదర్శి
29 Oct, 2022 21:27 IST|Sakshi
కిరణ్, రంజిత్, సజ్జన్, అఖిల రామ్, లావణ్య రెడ్డి, కీర్తి ప్రధాన పాత్రల్లో తెరకెక్కిన చిత్రం 'హరికథ'. ఐరావత సినీ కలర్స్ బ్యానర్‌పై నిర్మిస్తున్న ఈ చిత్రానికి అనుదీప్ రెడ్డి దర్శకత్వం వహిస్తున్నారు. ఇప్పటికే విడుదలైన ఫస్ట్ లుక్ పోస్టర్ ప్రేక్షకులను ఆకట్టుకుంది. రంజిత్ కుమార్ గౌడ్, వివేకా నంద, రఘు , కవిత సంయుక్తంగా నిర్మించారు.
లవ్ అండ్ ఫ్యామిలీ ఎంటర్ టైనర్‌గా తెరకెక్కుతున్న హరికథ సినిమాలోని "పిల్లా నీ చేతి గాజులు" అనే పాటను ప్రముఖ నటుడు ప్రియదర్శి విడుదల చేశారు. ఈ సాంగ్‌కు యూట్యూబ్‌లో మంచి రెస్పాన్స్ వస్తోంది. ప్రస్తుతం చివరి దశ పనులను జరుపుకుంటున్న ఈ సినిమాను త్వరలోనే విడుదల చేయనున్నట్లు చిత్రబృందం ప్రకటించింది.
