‘గల్లీ రౌడీ’ టీజర్ను రిలీజ్ చేసిన విజయ్ దేవరకొండ
విభిన్నమైన చిత్రాల్లో నటిస్తూ మంచి నటుడిగా గుర్తింపు తెచ్చుకుంటున్నాడు యంగ్ హీరో సందీప్ కిషన్. ఇటీవల తను నటించిన `ఏ1 ఎక్స్ప్రెస్’తో ప్రేక్షకులను ఆకట్టుకున్న ఈ హీరో ప్రస్తుతం గల్లీ రౌడీ చిత్రంలో నటిస్తున్న విషయం తెలిసిందే. ఈ మూవీ టీజర్ను మరో యంగ్ హీరో విజయ్ దేవరకొండ సోమవారం విడుదల చేశాడు. ఈ సందర్భంగా ట్విటర్లో.. ‘ఈ సినిమా మీ అందరిని నవ్విస్తోంది. సందీప్ కిషన్, కోనవెంకట్, చిత్రయూనిట్కు ఆల్ ది బెస్ట్’ అని ట్వీట్ చేశాడు.
ఇక టీజర్ విషయానికొస్తే.. ‘బాబుని రంగంలోకి దింపు. బాబు రావాలి.. రౌడీ కావాలి అని విశాఖపట్నం ప్రజలంతా ఎదురుచూస్తున్నారు’ అనే డైలాగ్తో ప్రారంభమైన ఈ టీజర్ ఆద్యంతం అలరించే విధంగా ఉంది. హీరో చెప్పే ఫన్నీ డైలాగులు, కిడ్నాప్ సీన్లు మూవీపై ఆసక్తిని పెంచేలా ఉన్నాయి. ఓ కిడ్నాప్ నేపథ్యంలో సాగే ఈ కథలో వెన్నెల కిశోర్, రాజేంద్ర ప్రసాద్ నవ్వులు పండించనున్నారు. మరి ఈ గల్లీ రౌడీ కథేంటో తెలియాలంటే సినిమా విడుదలయ్యేంత వరకు ఆగాల్సిందే.
కోన ఫిల్మ్ కార్పొరేషన్, ఎంవీవీ సినిమా కలయికలో ఎంవీవీ సత్యనారాయణ సంయుక్తంగా నిర్మిస్తున్న ఈ సినిమాలో నేహాశెట్టి హీరోయిన్గా నటిస్తోంది. జి. నాగేశ్వరరెడ్డి దర్శకత్వం వహిస్తున్న ఈ చిత్రంలో తమిళ నటుడు బాబీ సింహా కీలక పాత్రలో కనిపించనున్నారు.
చదవండి:
అందుకు కారణం సీఎం వైఎస్ జగన్: కోన వెంకట్
Launching the teaser of #GullyRowdy 😊https://t.co/gMz9WrQCIa
A movie that was made to make you laugh! I wish the team behind it, my man @sundeepkishan, @konavenkat99 sirrr and everyone all laughter, happiness and success!
Big hugs and love from me 🤗🤍
— Vijay Deverakonda (@TheDeverakonda) April 19, 2021