ముంబై: బాలీవుడ్‌ ‘ఖిలాడి’ అక్షయ్ కుమార్‌ తాజాగా నటిస్తున్న చిత్రం ‘బచ్చన్‌ పాండే’. ఇటీవల షూటింగ్‌ను ప్రారంభించిన ఈ మూవీ విడుదల తేదీని చిత్ర యూనిట్‌ ఖరారు చేసింది. వచ్చే ఏడాది రిపబ్లిక్‌ డే సందర్భంగా(26 జనవరి 2022) బచ్చన్‌ పాండేను విడుదల చేయాలని నిర్ణయించినట్లు శనివారం ప్రకటించారు. ఫర్హాద్‌ సంజీ దర్శకత్వంలో సాజిద్‌ నదియాడ్‌ వాలా నిర్మిస్తున్న ఈ మూవీ అక్షయ్ లీడ్‌రోల్ పోషిస్తున్నారు. అలాగే కృతీ సనన్, జాక్వెలిన్‌ ఫెర్నాండజ్‌లు ముఖ్య పాత్రల్లో కనిపించనున్నారు. కాగా ‘బచ్చన్‌ పాండే’తో అక్షయ్ భయంకరమైన గ్యంగ్‌స్టర్‌గా భయపట్టనున్నాడు.
(చదవండి: పాండే ప్రయాణం ప్రారంభం)
