‘రౌడీ బాయ్స్‌’తో హీరోగా పరిచయమైన ఆశిష్‌ రెడ్డి హీరోగా నటిస్తున్న రెండో చిత్రం ‘సెల్ఫిష్‌’. నూతన దర్శకుడు కాశీ విశాల్‌ దర్శకత్వంలో సుకుమార్‌ రైటింగ్స్, ‘దిల్‌’ రాజు, శిరీష్‌ల శ్రీ వెంకటేశ్వర క్రియేషన్స్‌పై ఈ చిత్రం రూపొందుతోంది.
ఇందులో స్వార్థానికి చిరునామాలా ఉండే పాత బస్తీ కుర్రాడి పాత్రలో కనిపిస్తారు హీరో ఆశిష్‌. ఇవానా హీరోయిన్‌. ఈ చిత్రంలోని తొలి పాట ‘దిల్‌ ఖుష్‌..’ను మే 1న విడుదల చేయనున్నట్లు ప్రకటించి, ఆశిష్‌ కొత్త పోస్టర్‌ని విడుదల చేసింది చిత్రబృందం, ఈ చిత్రానికి సంగీతం: మిక్కీ జె మేయర్, కెమెరా: మణికందన్, సహనిర్మాతలు: హర్షిత్‌ రెడ్డి, హన్షిత రెడ్డి, అశోక్‌ బండ్రెడ్డి.
