Adipurush: మ్యూజిక్‌ డైరెక్టర్లుగా సాచెత్‌-పరంపరాలు సంతకం!

8 Jun, 2021 15:26 IST|Sakshi

పాన్‌ ఇండియా స్టార్‌ ప్రభాస్‌ హీరోగా తెరకెక్కనున్న భారీ చిత్రం ‘ఆదిపురుష్‌’. ఓమ్‌ రౌత్‌ దర్శకత్వం వహించనున్న ఈ సినిమాలో ప్రభాస్‌ రాముడి పాత్రలో నటించనున్నాడు. ఇప్పటికే సీతగా కృతీసన్‌, రావణుడిగా సైఫ్‌ అలీఖాన్ పాత్రల్లో అలరించనున్నారు. ఈ చిత్రానికి సంగీత దర్శకులుగా సాచేత్‌ తాండన్‌- పరంపరా ఠాకూర్‌లు సంతకం చేసినట్లు వార్తలు వినిపిస్తున్నారు. ఇప్పటికే వీరు కబీర్‌ సింగ్‌, ఓం రౌత్‌ తెరకెక్కించిన తొలి చిత్రం తాన్హాజీ మూవీలకు సంగీతం అందించారు.

మ్యూజిక్‌ పరంగా ఈ రెండు సినిమాలు మంచి టాక్‌ను తెచ్చుకున్నాయి. దీంతో ఆదిపురుష్‌ కూడా సంగీత అందించే బాధ్యతలను డైరెక్టర్‌ సాచెత్‌, పరంపరాలకు అప్పగించినట్లు తెలుస్తోంది. కాగా రామాయణ ఇతిహాస గాథ ఆధారంగా రూపొందుతున్న ఈ చిత్రాన్ని టీ-సిరీస్‌ బ్యానర్‌పై భూషన్‌ కుమార్‌-కృష్ణ కుమార్‌-ప్రసాద్‌ సుతార్‌లు నిర్మిస్తున్నారు. భారీ బడ్జేట్‌తో ప్రతిష్టాత్మకంగా తెరకెక్కుతోన్న ఈ పాన్‌ ఇండియా  చిత్రం వచ్చే ఏడాది అగష్టు 11న విడుదల చేయనున్నట్లు మేకర్స్‌ ఇప్పటికే ప్రకటించిన విషయం తెలిసిందే.

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు