ఒకటి ఎయిర్‌ఫోర్స్‌ పైలట్‌ పాత్ర.. మరొకటి గూఢచారి పాత్ర. రెండూ సీరియస్‌ పాత్రలే. సీరియస్‌గా తీసుకుని చేయాల్సిన పాత్రలు. అందుకే కంగనా రనౌత్‌ చాలా సీరియస్‌గా శిక్షణ మొదలుపెట్టారు. ‘తేజస్‌’ అనే చిత్రంలో ఆమె ఎయిర్‌ఫోర్స్‌ పైలట్‌గానూ ‘ధాకడ్‌’లో గూఢచారిగానూ చేయబోతున్నారు. ఈ రెండు చిత్రాల కోసమే శిక్షణ తీసుకుంటున్నారు. ‘‘వరుసగా రెండు యాక్షన్‌ చిత్రాలు చేయబోతున్నాను. ఆషామాషీ విషయం కాదు. అందుకే ట్రైనింగ్‌ తీసుకుంటున్నాను. బాలీవుడ్‌ నా ప్లేట్‌కి చాలా ఇచ్చింది. కానీ ‘మణికర్ణిక’ తర్వాత నేను కూడా బాలీవుడ్‌కి ఓ మంచి యాక్షన్‌ హీరోయిన్‌ని ఇచ్చాను (ఈ చిత్రంలో తను చేసిన వీరనారి ఝాన్సీ లక్ష్మీబాయ్‌ పాత్రను ఉద్దేశించి)’’ అన్నారు కంగనా రనౌత్‌. కిక్‌ బాక్సింగ్, పిల్లిమొగ్గలు వేయడం.. ఇలా ట్రైనింగ్‌లో భాగంగా చాలా నేర్చుకుంటున్నారు కంగనా.
శిక్షణ తీసుకుంటున్న కంగనా
