సూపర్‌స్టార్‌ మహేశ్‌ బాబు త్రివిక్రమ్‌ శ్రీనివాస్‌ కాంబినేషన్‌లో తెరకెక్కుతున్న సినిమా SSMB28. హారికా హాసిని క్రియేషన్స్ నిర్మిస్తున్న ఈ భారీ బడ్జెట్‌ సినిమాలో పూజా హెగ్డే హీరోయిన్‌గా నటిస్తుంది. ఈమెతో పాటు ధమాకా బ్యూటీ శ్రీలీల మరో హీరోయిన్‌గా నటిస్తున్నట్లు తెలుస్తుంది. అయితే తాజాగా అందుతున్న సమాచారం ప్రకారం ఇప్పడు శ్రీలీల ఈ ప్రాజెక్ట్‌ నుంచి తప్పుకున్నట్లు వార్తలు వస్తున్నాయి.
గతంలో చేసుకున్న ఒప్పందాల కారణంగా డేట్స్‌ అడ్జస్ట్‌ చేయలేక ఈ సినిమా నుంచి తప్పుకున్నట్లు ఇండస్ట్రీలో గుసగుసలు వినిపిస్తున్నాయి. శ్రీలీల ఇంత పెద్ద ఆఫర్‌ను వదులుకోవడం ఆమె బ్యాడ్ లక్‌ అంటూ కొందరు అభిప్రాయపడుతున్నారు. మరి ఇందులో ఎంతవరకు నిజం ఉందన్నది తెలియాలంటే కొద్దిరోజులు వేచి చూడాల్సిందే.
