Daggubati Abhiram: రానా తమ్ముడు హీరోగా 'అహింస'.. ప్రీ రిలీజ్‌ ఈవెంట్‌ డేట్‌ ఫిక్స్‌
25 May, 2023 14:30 IST|Sakshi
ప్రముఖ నిర్మాత సురేష్‌బాబు తనయుడు, రానా సోదరుడు అభిరామ్‌ అహింస చిత్రంతో హీరోగా పరిచయం అవుతున్న సంగతి తెలిసిందే. తేజ ఈ చిత్రానికి దర్శకత్వం వహిస్తున్నారు. ప్రేమకథా నేపథ్యంలో తెరకెక్కుతున్న ఈ సినిమాలో అభిరామ్‌కు జోడీగా గీతికా తివారీ హీరోయిన్‌గా నటిస్తుంది.
ఇప్పటికే విడుదలైన ట్రైలర్‌ సినిమాపై మంచి హైప్‌ క్రియేట్‌ చేస్తోంది. ఇక ఇప్పటికే రిలీజ్‌ డేట్‌ పలుమార్లు వాయిదా పడిన ఈ చిత్రం జూన్‌2న ప్రేక్షకుల ముందుకు రానుంది.
ఈ క్రమంలో భారీగా ప్రీ రిలీజ్‌ ఈవెంట్‌ను ప్లాన్‌ చేస్తున్నారు. ఈనెల 27న ఆంధ్రప్రదేశ్‌ చీరాలలోని ఎన్‌ఆర్‌పీఎం హైస్కూల్‌ గ్రౌండ్‌లో ఈ ఈవెంట్‌ను నిర్వహించనున్నారు. ఈ విషయాన్ని వెల్లడిస్తూ ఓ పోస్టర్‌ను వదిలారు. ఇక ఈ ఈవెంట్‌కు పలువురు టాలీవుడ్‌ పెద్దలు రానున్నట్లు సమాచారం.
